Mulo manush arakhlo ko Kumanovo, ko pashipe e Romane mahalakoro Sredorek

MVR-250

Bidzivdipaskoro badani taro popherdobershengoro mursh si arakhlo palokushuluko ko peravde kotora taro o poanglutno strelishte ko Kumanovo, ko but baro pashipa e Romane kupatnakoro Sredorek.

O badani sluchajno arkahlele chave taro kupatni, hembutpakjalape Roma trujal 14 o ari, palo so i chipota prijavingjela ki dzandarmerija. Spremal o dzene so dikhle kerelape lafi basho dzeno kova so sinele trujal 60 bersha, thaj sapanda na dzanelape dali si Rom, sebepi so si arakhlo ko pashipe ki Romani kupatni.

Ov sine uravdo ko bukjarne plava sheja, vazdime bajenar ko pire thaj bizo menije. Dikhin ko korkori than e chipotakoro kergje o sasuitnikano doshalkeriba, dikhlaribaskiri ekipa e dzandarmerijakiri thaj dzene tari adalateskiri medicina.

Taro kumanoveskoro sasuitnikano doshalkeriba vakerena kaj o badani nanele nisave nishanija taro atako thaj odoleske nane funda te vazdelpe postapka basho krivichno kotor.

Tari dzandarmerija hemavgo dena haberi kaj ki chipota kerelape lafi basho naturakoro meribaskoro periba so spremal lende nane zarurin tari obdukcija.

O mulo na sinele peja lichna dokumentija thaj dzianglal ka kerelpe buti ki oleskiri identifikacija thaj ka dodzanelpe dali si Roma, odolese soske mulo ko pashipe e Romane kuptanakoro, jali nane thaj ka dodzajnelpe sostar mulo.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha