Mulo 21 bershengoro Romano phanlo dzeno, palo veshtachiba, o Doshalkeriba shurakerela I rodarin basho sebepija !!!

ИДРИЗОВО

– Mangava salde o nijami te ovel chalakerdo, khanchi javer, vakerela I Dzemile Redzepova, I daj e 21 bershengere veke mule phanle dzeneskiri kova so si tari Komuna Shuto Orizari thaj si Romane avipaja.

I Dzemile Redjepova ikerela ko vasta o tasfiri taro piro 21 bershengoro chavo, kova so mulo ko sabotone rakjakoro. I daj e mule Romane phanle dzeneskiri vakerela kaj veke duj bersha, olakere solduj chave si phanle basho o istono kotor. O jek olendar veke ka achovel ko phanlipa panda 8 bersha, a o javer veke angjele lengje mulo ko taboti khere.

O jerije e chavengere vakerena kaj upral olengoro mulo chavo kerdo si atako, agar so margjele o dzene kola so kerena buti ko phanlipa dzi ko meriba. Spremal lende o mulo olengoro chavo sine but marto tari rig e phanlipaskere dzandarmerijakiri, a pal odova takateja chivgjele te pijel tablete kolendar so predoziringjape thaj mulo.

Spremal o MVR palem, I chipota sine prijavimi ko 22 o ari ko savatone tari rig e dezurno komandirskiri ko Dzezuibaskoro popravibaskoro kher Idrizovo. O adalatkerde dzene kola so sine barabar oleja ki odaja arakhlele ko bizodzandipa.

Vrdoneja tari Sig medicinakiri arka sine prelendo ki Klinika bashi toksikologija, kote so sine vakerdo oleskoro meriba. Pali I vakerin taro Sasuitnikano doshalkeriba, o badani sine predendo ki obdukcija.

O sebepi basho o meriba e Romane 21 bershengere terne chaveskoro dzianglal ka dodzanenpe, sar so veke irati oleskere jerije bishalgjele dzi ko oleskoro sakanaskoro dzivdipaskoro kher.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha