Mudardi romni taro Shuto Orizari ko Gostivar, ake pobuter detalija !!!

УБИСТВО

Mudariba e Romane dzuvljakoro Senada R, 27 bershengiri, ki komuna Shuto Orizari, kova so iklilo ko vikendd trujal 9 o ari, bizo nishanija dzivdiapskere, sine arakhlo ko drom “Ivo Lola Ribar” ko Gostivar si arakhlo thaj sakosa raskoslo, dena haberi taro SVR Tetovo.

Sumlivo basho mudariba si olakoro rom B.G. taro skopjeskoro Shuto Orizari koleske so ko thavdipa e iratutne diveskoro sine leske dendi phagerdipaskiri prijava taro Sasuitnikano fundavno doshalkeriba ko Gostivar.

Spremal o sikavina tari prijava, o sumlivo B.G. kergja o mudariba pire romnakoro ko puranokurko javinakoro nekozom pusajbnancar churikaja ko vas, ko kolin thaj ko vogi. Ko sig vakti palo odova vdoneja nashla taro than, dzikote irati palokushluko sine cidimo taro rahatluko ko Skopje, a palo odova si predendo thaj ikerdo ki Dzandarmerijakiri stanica ko Gostivar.

O sasuitnikano doshalkerutno dengja vakerin bashi obdukcija upral o badani e romnakoro, a adzikerelape ko thavdipa e diveskoro te rodel thaj pritvor basho o sumlivo B.G.

O sebepija basho mudariba, hembutpakjalape pashlona ko mashkarpumare naashukarhalovina kola so o sopruznikija sinelen polungo vakti.

O sasuitnikano doshalkerutno dengja haberi kaj I muli romni ko palune 5 chona dzivdinela sine ko Gostivar kote so ali taro Skopje sebepi o nashukar legarina pire romeja. Ola sinelen trin tiknebershengere chave ko baripe taro 1,3 thaj 6 bersha.

You may also like...

Sorry - Comments are closed