Kozom MILIONIJA Roma isi ko pashutno disorig kotor e phuvjakoro ???

BLISKI ISTOK

“Dzipsi” si o fundavno pendjaro anglikano termini kova so kulandinelape basho sikaviba ki akaja bari, etno lingvistikani kupa taro Roma. Sapanda ki piri phuv Indija sine avgo anavkerde sar Dom, so ko iraniba znachinela MANUSH. Pogechi, o DOM bajrovela ko lafi Rom. Avdive, o Roma mangjena te oven identifikuime sar Roma ki Evropa.

Numa, ko pashutno disorig kotor e phuvjakoro thaj ki utarig Afrika, but olendar sapanda esapinkerenape korkori pes sar Dom jali Doma. Akate o termini Dom kova so kulandinelape bashi I kupa taro o Roma si arakhlo ko Pashutno Disorig kotor e phuvjakoro, numa thaj o termini Dzipsi kupandinelape sar sasuitnikano, prependjariabskoro thaj nishanikeribaskoro sikaviba e bare Romane etnikane preperinakoro.

Javera anava kola so kulandinenape basho amende pendjarde Roma, a kola so kulandinenape basho anavkeriba e Romengiri taro Pashutno Disorig kotor e phuvjakoro si: Barake, Nawar, Kaloro, Koli, Kurbat, Ghorbati, ЈАТ / Zott, Çingene, Mıtrıp, Qurbert, Gevende, Abdal, Zargari и Karaçi …

Avipaja tari Indija, o Roma, akana si raschudime trujal o sasto sumnal thaj olengoro numero gejnela pobuter taro 40 milionija manusha. Akoda olengjere paramisija basho olengoro paldiba, ki Evropa si lungo reklamirimo, but bukja si kerde ko akava drom ko sikaviba e numeroskoro taro dzivdipa e Romengoro taro 20 dzi ko 30 milionija Roma jali anavkerde sar Doma ki Pashutno Disorig kotor e phuvjakoro.

Avdive I jekhin Dom shaj te dikhelpe ko avutne phuvja taro Pashutno Disorig: Kipar, Iran, Irak, Sirija, Liban, Jordan, Izrael, Gaza thaj Ratjorig Brego thaj ko Khoranipa.

Kamlape anketakiri buti ki te shaj te zojrakerelpe o tamamipa e havlaribaskoro kova so legarelape basho o Doma ki Saudijakiri Arabija, Kubajt thaj Pashakerde Arabijakere Emiratija.

Basho rojbe, tamam esapinkerina basho o dizutinipa e Romengoro, odori pendjarde sar Doma, si pharo te obezbedinelpe ko akala phuvja

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha