Ki Germanija si muklo o plani bashi posig deportacija e azilantengiri kola so nane lelakerdo olengoro rodariba basho azil

AZIL

Daja haberi e Romen kaj I Radja e Germanijakiri o nakhlo chon lelakergja o plani bashi deportacija e migrantengoro kola so olengoro rodariba basho azil si nalelakerdo, chivindor thaj baro numero taro o Roma.

O predlog kanuni kova so si muklo anglederdikhela posig deportacija e nalelakerde dzenengoro so rodingje azili, kote so preperena sherutneste o Roma taro sasto Ek Ju regioni, thaj bishaliba pobaro numero taro manusja ko rashtre kotar so ale napalal.

I germanijakiri kancelarka Angela Merkel koja so ko septemvri adzikerenala neve alosarina veke pobuter drom akhargja ko “nacionalno zori” I rashtra te mukenla sarine okola kola so nanelen nijami te achoven ki olate.

I Germanija taro na but nakhlo vakti shurakergja pobare deportacijaja upral pobaro numero taro Avganistancija, so gelo ko bare kritike ko okola kola so esapinkerena kaj o Avganistan si sigurno phuv.

O legarina ko nekola germaijakere regionija, kola so si nadlezno bashi deportacija, na mangle te iranen e manushen palal ko Avganistan.

I Germanijakiri zurnalistikani agencija DPA dela haberi kaj ko na but nakhlo vakti bashi jek rat prekal o minheneskoro aerodromi deportirime sine thaj 50 rodarutne e azileskere taro Kabul.

Numa na salde ola, ko palune nekozom kurke ki shutka, mahala thaj ko javer mahala thaj dizja e themakere, dikhelape thaj sa pobaro numero taro o Roma kola so sekova dive iranenape pali olengiri nasukcesivno mangin basho rodariba ekonomijakoro azili ki Germanija.

You may also like...

Sorry - Comments are closed