Info. dzi ko Roma: Ando si o Kanuni basho chinaviba e radiodifuzno taksakoro

MRTV

Daja haberi dzi ko Roma kaj o Khediba e R.Makedonija avdive angja o kanuni koleja so chinavelape o pukiniba Radiodifuzijakiri taksa.

O tranpe ko kanuni basbho audio thaj audiovizuelno mediumengere shukaripna sine ande pali tikni postapka.

E kanuneja anglederdikhelape o prihod, so dziakana lelale sine o MRT prekal khediba akala davachke, te finansirinelpe taro rashtrakoro budzeti thaj odova ko legariba taro 0,5% taro baripe e Budzeteskoro ko bersheskoro nivelo. Bashi odoja resarin kamlape te ulavenpe 885 milionija denarija ko bersheskoro nivelo taro Budzeti e R.Makedonijakoro basho 2018 bersh. Trujal taro Budzeti, o MRT ka finansirinelpe thaj taro javera strestvija, t.e. taro prihodija e kabelsko operatorengoro thaj taro o prihodija e bikinibaskoro e programakoro kerdi tari MRT.

Daja haberi e Romen kaj o deputati Tomislav Tuntev, kova so si jek taro o predlagachija e kanuneskere, vakerga kaj e aasvke kanuneskere halovinaja ka mukenpe ko rahati o dizutne taro jek bizarureskoro dejbe love, a tari javer rig ka bajrarelpe o efikasnost ko butikeriba e MRTVeskoro.

– Na sakana sine khedime sa o sredstvija. Svedokija sijam sine ki finansisko dupka taro angleder duj bersha ko MRTV. Akava si o chane kova so amen predlozinajale te shaj te muka ko rahati e dizutnen taro jek nazarureskoro dejbe love thaj te bajrarelpe o efikasnost ki buti thaj ko keriba buti e sasuitnikane radiodifuzno serviseskoro, vakergja o Tuntev.

I radiodifuzno taksa, daja haberi e Romen, sine andi ko 2005 bersh.

You may also like...

Sorry - Comments are closed