Ministeriumi basho avrune bukja ki Indija: O Roma si o chave e Indijakere

SARAJ

O manusha tari Romani jekhin kola so arakhlovena ko turli kotora e sumnaleskere si usvari o chave e Indijakere, vakergja i ministerka basho avrune bukja ki Indija, i rajoni Sushma Svaraj.

– Tumen sijen o chave e Indijakere kola so migriringje thaj dzivdingje ko phare trujalipna ko strano phuvja zamanenac. Numa sapanda thaj poodori ikerelape tumaro “Indisko identiteti” vakergja i Sushma Svaraj ko thavdipa eprajbaskoro e trin divesengere mashkardzianeskere konferencijakoro basho o Roma thaj o kulturno festivali 2016 bersh.

– Trujal 20 milionija Roma si naselime ko pobuter taro 30 phuvja ki teritorija e Pashchimale Azijakoro, Evropa, Amerika thaj Avstralija, vakergja oj. O Roma vakerelape kaj avena taro jek kupa plemija ki Indija pendjarde sar Domija, Bandjarija, Gudjarija, Sansija, Chauanija, Siklingarija, Dzangarija thaj javera nomadikane plemija tari severozapadno Indija. Ola si pendjarde isto thaj sar “Cigojner” ki Germanija, “Tsiganes” ki Francija, “Tsigan” ki Rusija thaj agaar naodori.

KEribaja lafi bashi jekhin, i Sushma Svaraj vakergja kaj i Roma si jek but shukar egzampli basho sansareskoro mashkardzivdipa ko multikulturakoro sasuitnipa. Usvari, ola si but shukar sikavutne kola so legarena o Indijakoro etos thaj amen sijam barikane olengje, vakergja oj.

– Amen o Indijcija sijam barikane basho anglunipa thaj basho o shajdipa i Romani jekhin te ovel anglutkerdi ko lokalno thaj ko mashkardzianeskoro nivelo. Panda poinportantno si odova so o procesi e adaptacijakoro, i difuzija thaj o anglunipa si kerdo upral funda e Indijakere sistemeskoro basho sajdipa e sansareskere mashkardzivdipaskoro thaj keriba sajgija e javere kulturenge thaj odoleja reslape dzi ko anglnipa.

O Roma ikerenape ko indisko tradicie ko javera phuvja thaj ola nane ni ki gnd kaj arakhena i Indijakiri tradizija thaj kultura thaj odoleja arakhena thaj piro indijakoro identiteti, vakergja i ministerka basho avrune bukja ki Indija, i rajoni Sushma Svaraj.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha