“Mangava te” – on line inicijativa basho sikaviba inportantnost ko jekhutno avipa dzi ki edukacija basho o Roma

CSI NADEZ

O proekti si finansisko dendo arka tari Evropakiri Unija thaj I Fondacija pravdo sasuitnipa. O proekti basho zojrakeriba e kapacitetengoro thaj I gnd bashi demokratija kori o Roma ko vakti taro maj dzi ko juni kerela Kampanja basho inportantost taro jekhunto avipa dzi ki edukacija basho o Roma. Ko pervazija e istone proekteskoro kerelape thaj rotalime beshlarina ko pobuter regionija ki rashtra thaj hazrkerde si resursie basho sikljoviba e makedonijakiri thaj I Romani chip, a ko vakti taro 29to maj dzi ko 20to juni ka kerelpe thaj on line inicijativa anavkerdi sar “Mangava te” prekal kolate so ka sikavenpe o predlogija thaj o zalozbe e chavengere thaj e jerijengere tari Romani jekhin. Ki akaja on line inicijativa ko avitno vakti sekovadive ka sikavenpe o mesazija e oficijalno internet rigakere thaj o socijalno mediumija e Fondacijakere Piro palo piro, thaj o amalikane organizacie ZCOP “Dendo vas” thaj CSI “Nadez”.

– O shartija kolende so dzivdinena o Roma ko dominantno Romane jekhina ki Makedonija shaj si pophare, numa ola isilen o istono mangina thaj o interesija sar sarinende amende. Sarine mangaja shukar shartija bashi edukacija, stabilno buti, chisto dzivdipaskoro than, kvalitetno hajbe thaj shukar sastipe. Bash sebepi odova, ki akaja kampanja mukaja than e chavengje thaj e jerijenge taro Shuto Orizari thaj Gorche Petrov kola so amencar ulavgje pire mangina bashi poshukar edukacija thaj pokvalitetno dzivdipa, a I resarin si amengje te zapendjara thaj te senzavilirina o sasto sasuitnipa olengere zalozbencar thaj manginenca thaj te anglederana basho nakhaviba e angleder bilache chivde gndinengjoro basho o Roma thaj o stereotipija kola so sapanda lena than ko amaro sasuitnipa, vakerela I Elena Mishik, menadzeri e Proekteskoro basho zojrakeriba e kapacitetengoro thaj I gnd bashi demokratija kori o Roma prekal olengiri edukacija.

Dziakana ko pervazija e Kampanjakere basho inprotantnost taro jekhutno avipa dzi ki edukacija basho o Roma sine kerde rotirime beshlarina ko komune Gorche Petrov, Kumanovo, Prilep, Bitola, a ko juni avela rotirimi beshlarin thaj ki komuna Shuto Orizari. Isto agar, sine hazrkerde thaj 5 tasvirengjere sikavina ko duj chibjengoro sikaviba – makedonijakiri thaj romani, kola so si dostapna elektronikane thaj ki pechatimi forma thaj kolengje so ka diskutirinelpe ko biradjakere organizacie thaj centrija kola so kerena buti e Romencar thaj k osiklane kote so sikljovena o Romane chave.

O proekti basho zojrakeriba e kapacitetengoro thaj e gndinakoro bashi demokratija kori o Roma prekal edukacija si finansirimo tari EU thaj tari Programa bashi ikerin e jerijengiri e Fondacijakiri pravdo sasuitnipa, a kerelala I Fondacija basho kulturno thaj edukacijakere inicijative Piro palo piro ko mashkarbutikeriba e biradjakere organizaciencar Nadez thaj Dendo vas.

O proekti isile bashi resarin te poshukarkerel I chipota e Romengiri, koja so buti drom karaktkerizirinelape e nasoodvetno edukacijakere resarinencar, o nanipa dzandipa thaj herbaplukija kola so kamlape te ovenpe basho bukjardarnipa thaj poshukarkeriba e kvaliteteskoro e dzivdipaskoro ko khera thaj ko jekhina thaj poshukarkeriba e finansisko chipotakoro. O proekti ki peste isile aktivitetija basho poshukar keriba e anglederdzandipnengoro thaj hazrlukoskoro e chavengoro ko angledersikljovnakoro ajrovipa, poshukarkeriba e edukacijakoro thaj resariba e chavorengoro kola so vizitkerena fundavno edukacija, o digro e pismenlukoskoro kori o dzuvlja thaj basho poshukarkeriba e jerijengjere herbalpukongoro thaj haberlukoskoro e dzuvljengoro Romajna thaj o Romane jerilukija.

You may also like...

Sorry - Comments are closed