Kosovo: dzivdipa ki Romani kupatni Grabovac – Grachanica: Nashena taro sama, kandoja thaj kakalajke

GRACANICA

Trujal 70 dzene tari I bari Romani jekhin, kola so pobuter taro 300 bersha dzivdinena ki dizjakiri deponija Grabovac ki Grachanica, kotar so ikalena gunoj, bikinenale thaj agar achovena dzivde, devleja adzikerena te oven chivde te dzivdinen ko duj neve kerde zgrade kote so isi than ki sekoja jek zgrada basho 12 familije ko 12 stanija ki mahala Javor

Isijbaja ko dikhiba kaj I bukjarni firma Sagra sa o bukja agorkerelalen ko vakti, sapanda nane nisave haberi kaj akava drom isto agorkergja pe bukja ko vakti, thaj o khujbe e Romengoro ko pire neve stanija nesar na dzala na anglal sebepi o na keriba e kanalizacijakere mrezakoro sapanda.

– Amengje I gradezno inspekcija ko 26to april angja amengje halojbe kaj ko avutne 2 chona kamlape te phaga amare dzivdipaskere thana, numa sapanda nane halojbe basho te shaj akana te khuva ko zgrade ki kupatni Javor, vakerena o Roma.

Ki hemnashukar chipota si I Sanela Osmanovik koja sar korkorutni daj 6ve chavencar dzivdinela ki purani baraka trujal I korkori deponija.

– Akate pobuter na kamlape te ovav. O komshije avena thaj sekova dive mudarena po duj jali trin sapa. E sapencar ko istono vakti avena thaj bare kandoja, a o kakalajke si milioni ko numero, vakerela I Sanela.

Tari komuna vakerena kaj o khujbe e Romengoro ko stanija ka ovel kerdo ko but dig vakti, salde so ka agorkerel o keriba e kanalizacijakere mrezakoro.

You may also like...

Sorry - Comments are closed