Kola si o sebepij basho meriba e Romane chaveskoro Andrea?

ИДРИЗОВО

O phanlo dzeno taro phanlipa Idrizovo kova so manglja te achovel anonimno, basho TV21 vakerela kaj dikhla sar e 21 bershengere phanle dzene Andrea Redzepov sine fizichko atakuimo but pashej pret te ovel anavkerdo basho mulo.

– Ale thaj akhargjele, ava Andrea akharelatut o komandiri thaj phanle o udara. O chavo gelo kaj o skale thaj odothe shurakergje te khuvenle. Avgo shamarkencar khuvena le sine. Tele kaj o skale. Soske, sar, na dzanava? Vakergja o phanlo dzeno ko phanlipe Idrizovo. Ov vakerela kaj o 21 bershengoro Romano chavo, kova so ko savatone mulo ki Klinika ko Skopje, zapendjargjale ko phanlipe. Ov negirinela kaj o Redzepov sine zavisniko taro medikamentija.

– Pijaja sine kafa, pijaja sine chaj, o chavo vezbinela sine, metadoni na lelasine. Dzikote odova havlariba ikljovela ko sasuitnipa, kaj o Andrea lela sine metadoni jali lela sine disave medikamentija, odova nane te ovel khanchi chache, vakergja o Adalatkerdo dzeno ko phanlipe Idrizovo.

O sherutno ko phanlipe Idrizovo, Zivko Pejkovski vakerela kaj nane te del vakrin sa dzikana na lela mukin basho odova tari rig e Legarinakoro basho keriba e sankcioengoro. I sherutni Lidija Gavrilova, veke polungo vakti na mukela ni o mediumija, ni o biradjakere organizacie te khuven ko phanlipe. O manushikano nijamengoro arakhutno bishalgja timi ko phanlipe ko Idrizovo te rodaren I chipota. O Idzet Memeti vakerela kaj isi elementija e phagerdipaskere kotoreskoro tari rig e legarinakoro ko phanlipe Idrizovo thaj tari Legarin basho keriba e sanciengoro.

– Mire bukjarne dzene akana si odothe thaj rodarena I dokumentacija thaj o mujestar vakerde sikavina, t.e. ka len vakrin taro vaslegariba thaj taro phanlipa. Ka obezbedina thaj materijalno sikavina kola so legarena ko saslaripaskiri dokumentacija sar thaj o javera dosiea. Palo o anaalize ka shaj te ana phanlipe. Vakerela o Idzet Memeti.

Ko palune trin chona nishanikerde si 5 meribaskere chipote ko phanle dzene ko Idrizovo. Spremal o Sasuitnikano doshalkeriba, upral funda e obdukcijakoro, duj mule adalatkerde dzene kola so mule ko chon januari akava bersh, vakerelape kaj mule taro naturakoro meriba.

– Nane zojrakerdo dali dijek khuvgjale churikaja jali pishtoleja, kote so sine ratvarde ko kotor e ileskoro. Dzikote sin saslarutno te kerel leske EKG, sig intervencijaja, dali odova ka ovel sine, puchela o Ombudcmani.

O Idzet Memeti vakerela kaj o rodarina tari rig e Ombudcmaneskiri nane phanle ki ni jek chipota. Basho meriba e 21 bershengere Romane chaveskoro Andrea vakerela kaj adzikerela o oficialno havlariba taro Sasuitnikano doshalkeriba.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha