Koj tano o virtuozi ko klarineti Ismail Lumanovski???

ISMAIL

O Ismail Lumanovski bijamo si ko 1984 bersh. Basho buti tikno vakti veke isile sumnaleskiri kariera pali peste, thaj esapinkerelape sar jek taro o hemshukar muzicharija ki piri generacija ki Makedonija, kova so dzivdinela thaj kerela buti ko New York. Isile baro muzikakoro strasti thaj dinamikakoro virtuozluko, so si salde jek kotor taro oleskere karakteristike sar umetniko. Ov veke kergja peske iskluchitelno kariera sar solisti thaj muzichari ki klasika, numa thaj ko agar vakerdo kros over repertoari.

Oleskoro baro talenti taro oleskoro korkori bijandipa, delale shajdipa te kerel fascinantno kombinacie tari dzijaneskiri muzika e diciplinaja e klasikakere muzikakiri. O Lumanovski bashalela ko SAD, Evropa, ko Pashutno Disorig, Koreja thaj ki Kina, a basho piro bashaliba sakana lela pozitivno kritike.

O Ismail Lumanovski polungo vakti tano inspiririmo tari i agar vakerdi klecmer muzika. Vakerela kaj odova si jek dikhli evrejsko klarineteskiri muzika.

– Ki akaja muzika o klarineti kulandinela but glisanda thaj turli dikhle vibracie. O ekspresie si but lunga thaj akava chane e bashalibaskoro si pherdo emociencar. Akaja muzika ko dovaso chane, si pashe dzi ki Makedonijakiri folklorno muzika. Odoleske o asavko hemiba taro klasikakoro instrumentalno niche si but atraktivno, vakerela o Lumanovski.

Palo o agorkeriba e muzikakere siklanakoro “Interlohen” ko Michigen, SAD, o Lumanvoski diplomiringja thaj magistriringja ki Muzikakiri siklana “Dzulijard” ko New York kote so sine leske ulavde trin stipendie basho vakti olaskere studiribaskoro keribaja buti e pendjarde dzenencar sar so si o Charls Najdih thaj Ajako Oshima.

Isile lendo but pursakija ki Makedonija, Bugarija, SAD, kolendar so ulavenape o avga pursakija ko 23to, 24to thaj 25to natprevar palo klarineti ki Makedonija, sar thaj o duj pursakija ko “Fajn Arts” ki akademija “Interlohen”.

O Lumanovski bijamo si ki Bitola, a klarineti shurakergja te sikljol taro 8 bersha, ki klasa taro Pande Tatarchevski. But numeroskere si oleskere bashalibna pobuter renomirime orkestrencar sar so si “Kamerfilharmoni” tari Germanija, I Filharmonija e Kahareskiri, O Ansambli e Berklijaskoro, o ansmbli “New Dzulijard, o Sumnaleskoro ternengoro simfonijakoro orkestar, i Makedonijakiri filharmonija thaj panda buti javera.”Osnivachi tano e sumnaleskere pendzarde orkestroskoro “New York dzipsi ol stars” kolencar so kerela turneje ko SAD, Evropa, Avstralija thaj ki Azija. O Klarineti e Lumanoveskoro shaj te shunelpe thaj ko but bare numeroskere vrvno izdanija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha