Ko Skopjeskoro koncerti “O thavdipa e balkaneskere muzikakoro” lela than thaj o ministeri Nezdet Mustafa

NECO

Ko pervazija e 26to Mashkardzijaneskere festivaleskoro e angledernilaeskere veselbengoro irati rakjakoro ko Domi e ARMeskoro ko Skopje ikergjape koncerti anavkerdo sar “O thavdipa e balkaneskere muzikakoro” koja so sine dendi ikerin taro Instituti “Junus Emre” ko Skopje, kote so than lela thaj o ministeri Nezdet Mustafa.

Ko koncerti, kova so sine agorkerdi programa ko Mashkardzijaneskoro festivali e angledernilaeskere veselbengoro, lele than o sikavutne taro hemime institucie thaj amalipna, dzene so mangjena I muzika, sar thaj baro numero taro dizutne e Skopjeskere, mashkar kolende sar posajdimalo misafiri sine o Rajo Nezdet Mustafa.

I programa sshurakergja e Kulturno umetnikane programaja kerdi taro KUD “Jeni Jol” sar thaj sikavibaja tikno koncerti taro o dzene akale amalipaskere.

O vice sherutno ko Instituti “Junus Emre” ko Skopje, Fuat Korkmaz sikavgja ko inportantnost e aktivitetengoro organizirime tari rig e Khorajengiri ki Makedonija thaj vakergja kaj but si bahtale thaj barikani sebepo odova so si kotor taro o Mashkardzijaneskoro festivali e angledernilaeskere veselbengoro, sar thaj sebepi odova so dena ikerin bashi te shaj te organizirinelpe akaja chipota.

I solistka taro TRT-Gjuldzan Kaja Aral sikavgja kaj si but bahtali sebepi odova so ikerela piro koncerti ki akja phuv, thaj shurakergjape e dzenengje kola so shajsargje te kerelpe akava koncerti.

O ministerida Nezdet Mustafa sikavgja piri shukrakerin so sar jek sikavutno taro Romano nacionaliteti lela than ki akaja kulturno manifestacija thaj sikavgja salde pire shukar lafija thaj seljamija basho o organizatorija e manifestacijakere.

Trujal o univerziteteskere profesorija thaj siakvutne e biradjakere organizaciengjere, ko akava simpozium lele than thaj nauchnikija, sar thaj ekspertija taro Khoranipa, Makedonija, Polska, Tatarstan thaj tari Khoranipaskiri Republika Utarig Kipar.

Ko shuru taro simpozium sine pravdi thaj sikavin e tasfirengiri kolate so sine sikavde hemime kotora ande taro pobuter kotora e Khoranipaskere. Kergjape lafi ko teme trujal I dzijaneskiri khorani kujna.

You may also like...

Sorry - Comments are closed