Ko sig vakti ka chivenpe mujal jagakere aparatija ko khera e Romengere taro juzno kotor e Srbijakoro

POZAR

Sebepi o sa pobut dromeskere jaga so ikljovena ko Romane kupatna thaj ko olengere khera kote so ko paluno bersh mule 12 chave, o nisheskoro “YUROM Centro” ka shurakerel taro avutno kurko te chivel mujal jagakere aparatija ko 22 kupatna kote so dzivdinena o Roma ko jugoskoro kotor e Srbijakoro thaj ka ikeren edukacija basho o Roma sar te kulandinen odola mujal jagakere aparatija.

Spremal o lafija e sherutneskere taro akava centro o Osman Balich, i mujaljagakiri arakhin ka ovel instalirimi ko Romane kupatna ko Žitorađi, Prokuplju, Kuršumliji, Leskovac, Bojnik, Leban, Vladichi Han, Surdulica, Vranja thaj ko Bujanovac ki rota e proekteskiri anavkerdo sar “Arak tut”.

– Esapinkeraja kaj si agorutno vakti te chinava o chutiba ko sasuitnipa thaj ko institucie, odoleske soske o numero e kurbanengoro thaj e materialno zijanengoro taro o jaga so but drom ikljjovena ko Romane kupatna ki Srbija ovena sa pobare thaj pobare. Jaga ikljovena ko kupatna kola so si purane pobuter taro 80 bersha. O sebepi so odola kupatna si bilegalizirime deceniencar thaj sebepi so ki olende nane hidrantija, odova si veke politikakiri buti thaj dikhi achovin tari urbanistikani diskriminacija spremal o Romane kupatna. Jek taro o idee e proekteskoro anavkerdo sar “Arak tut” si te vazdelpe i kultura e legarutne legarinakiri vakerela o Balich.

Sapanda, ov andinela kaj thaj o korkori da dizutne si dzevaplime basho piro bezbediteti, sar thaj vakerela kaj deka isi faliba tari bezbedno kultura lafi kerela thaj i sikavin so ko Romane mahale nashti te arakhelpe jek kova kishaj, a but dzene ni na dzanena o numero e telefoneskoro e mujal jagakere ekipengoro.

Thaj o korkori Roma musaj pobuter te legaren esapi basho piro bezbediteti. Te daamen ki gnd salde ko trin chave kola so ko na but nakhlo vakti mule tari i jag so iklili ko olengoro kher sebepi so sinelen bipazibaskiri daj, vakerela ov.

O Balich dela ko hango kaj, sem so ka civenpe odola aparatija basho achajbe e jagakoro, ka ovel thaj sikavdi jek kupa taro volonterija – mujal jagakere dzene kola so ka oven taro o korkori Romane kupatna thaj kola so ka intervenirinen ko vakti kana ka avel dzi ki asavki bibaht.

Agaar, ko 8 Romane kupanta ka sikavelpe thaj po jek tikne vakteskoro filmi kova so ka educirinel e Romen save napija te len kana ka aven dzi ki asavki chipota.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha