Ko sig rodelape nevo than basho o Romane chave taro droma te shaj mate iranenpe palem ko droma !!!

ДЕЦА ОД УЛИЦА

Nekozom 100 chave taro o hemzagrozime jerilukija kola so vizitkerena sine o Diveskoro centro basho o chave taro droma ko Shuto Orzari pobuter nane kote te oven khedime. I 11 bershengiri zoreskiri buti e bukjarnengiri te delpe arka akale Romane chavengje taro droma sar ka phene taro jek drom prepeli sar so thabile olengere thana, barabar e gradinkaja 8to April, ki komuna Shuto Orizari, ki bari jag koja so iklili ko dujtodi rakjakoro.
O biradjakere organizacie nijamutne arkaja ko akava diveskoro centro basho o chave kola so dzivdinena ko supstandardno shartija thaj kola so si dende arka taro dzivdipa ko droma ko sekova olengoro dive, akate lena sine hajbaske, hramonena pire kherutne savale, a nekola odothare dzana sine thaj palo arija thaj beshena sine dzi ko palokushlukoskere arija kana palo odova iranenape sine ko pire skromno khera.

O bukjarne akate nangajrenalen sine, educirinenalen, bashi olengje organizirinena sine turli aktivitetija thaj humanitarno chipota, a nekola chave shukrakerinaja akale Centroske hramongjepe thaj ko mashkarune siklane. I vaslegarutno Irena Velkoska irati andingja kaj na predenape thaj kaj adzikerena te arakholpe halojbe.

Oj andinela kaj prederati thaj irati o chave pali dzandin gele ko Centro, numa achile ki avlin, kote so lele piro hajbe thaj asvencar ko jakha puchle kote poodori. Odothe sine thaj o jerije kola so darana sine so ka ovel olengere chavencar akana. – O jerije puchena kote akana ka dzan olengere chave, kote ka hramonen pire kherutne savale thaj koj ka kerel gajla ko jek asavko chane bashi lengje. Akana amen sijam mukle korkori thaj ko ikljoviba ki akaja chipota akate si o Romano resursno centro, I Hera thaj I Ambrela. Taro Unicef prekal telefoni nudingje amengje arka, sar thaj o amalipa Pablik, kova so ikalela o siklanakoro spisanie Muj ko muj, kotar so sikavena kaj isi inicijativa taro o dizutne te ten arka – potenicirinela I Lekovska.

O prezidenti e Amalipaskoro basho arakhiba e chavorikane nijamengoro, Vladimir Ortakovski, koleskoro so proekti si akava jekhutno privatno centro taro asavko dikhiba, irati vakergja kaj adzikerena odova so o ministeri basho trud thaj socijalno politika Ibrahim Ibrahimi vakergjale basho o chave tari gradinka 8to April, te legarelpe thaj basho o chave taro Droma. O Ibrahimi vakerga kaj taro jektodi ka iklovel predlogoja kote ka dzan o chave tari gradinka.

Taro ministeriumi basho trud thaj socijalno politika vakerena kaj intenzivno kerena buti te arakhen holjbe basho o khediba e chaven hem tari gradinka hem taro Centro. – KEraja zorija te hazrkerenpe o thana ki mashkaruni siklana basho o chave so dzana ki gradinka. Kerelape buti thaj ko odova te arakhelpe jekvakteskoro halojbe thaj than basho diveskoro centro basho o chave taro droma thaj odova te achovel ki teritorija e Shuto Orizareskiri basho kaske so veke isi nekozom opcie. O chave ko hemsig vakti ka iranenpe ko Diveskoro centro, vakerena taro Ministeriumi.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha