Ko Novi Knjazevac molotovo kokteleja thargjape jek Romano kher

МОЛОТОВ

5 dzenengoro Romano jeriluko taro Novi Knjazevac, bare bahtaja achile dzivde kana akanaske bipendjarde dzene ko puranokurko trujal 21 o ari thaj 50 dakikija ko olengoro kher sine chudimo molotovo kokteli thaj thargjape kotor taro olengoro kher.

– Sijam sine hazrlije te sovaamengje, kana taro jek drom amaro dzukjel shurakergja but taaktlimeste te havkinel. Ov nikana angleder na sine odoborom ki dar. Taro jek drom pharilo thaj dikhlam jag ko amaro kher, vakerela I Marijana Gola I romni e Jashareskiri sar thaj I daj e Manueleskiri kova so dzivdinela barabar pire romnaja thaj pire trine chonengere bebeja ko odova kher pire jerijengoro.

– Ko sig vakti iklilam a miro rom shurakergja te achavel I jag. Bashi bahr o mujaljagakere ekipe resle ko vakti thaj lokaliziringje I jag. Sine but dumani, shaj sine sarinen te mudaren amen ko kher, a ko kher isiamen thaj tikno bebe, vakerela ki dar thaj tinankeriba I Mirjana.

Ola vakerena kaj akana sigate kingje o kher thaj na dzanena kaske ola smetinena thaj soske bash olengoro kher te ovel I resarin odole molotovo kokteleskiri so chudingjele akanaske sapanda bipendjarde dzene.

– Soske atakuinenamen, nikaske khanchi na kergjam. Trujal o kher I dzandarmerija arakhla kante benzineja. Daraja dali ka shaj normalno te dzivdina, vakerela o jeriluko Golja.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha