Ko lil bizolovengere, ki praktika pukinenape o dikhlarina upral o Romane khamne dzuvlja ko ginekolozija

ГИНЕКОЛОЗИ

Basho kotor taro o Romane khamne dzuvlja basho pire dikhalrina ko matichna ginekologija, akoga jekajek e Kanuneja kamlape te delpe lengje bizolovengere ginekologijakere thaj mikrobijologijakere dikhlarina, sar thaj biohemijakere analize, sapanda lendar lelape love basho sa akala shukaripna.

Akala napija o Ministeriumi basho sastipa promoviringjalen ko noemvri 2015 bersh. Hem basho okolada romnja kola so nane sastipaskere osigurime isilen nijami ko bizolovengoro dihlariba thaj bijaninkeriba ko sasuitnikane sastipaskere khera.

O nadlezna taro fundavno hospitali Kumanovo zojrakerena kaj o bijanninkeribna si bizolovengere.

O Romane dzuvlja taro Kumanovo, numa hem taro javerada dizja vakerena pire dodzandipna kana dzana ko matichno ginekolozoija ko vakti kana si khamne.

– Kana na sineman sastipaskiri knichka, o matichno ginekologo lela mandar sine trujal 800 denarija ko chon, sar egzamlpi 400 basho eho, 400 basho brisija, vakerela I Resmije. Hem bashi labaratorijada lela mandar sine po 400 denarija. Vakerela kaj o chon basho dikkhlarina ulavela sine thaj po 1000 denarija.

Skoro isto dzandipa e matichno ginekologoja, ulavela thaj jek romni taro Skopje. Oj vakerela kaj akava si olake dujto khamnipa. Vakerela kaj kana kergje o avgo eho basho zojrakeriba olakere khamnipaskoro pukingja 300 denarija.

I Daniela si jek taro o retka pozitivno egzamplija kote so olakoro matichno ginekogo na lela latar sine ni jek denari basho dikhlarina ko thavdipa e khamnipaskoro, sar so si da I kanuneskiri phandin, bashi hemin taro javer Romane dzuvlja kola so vakerena kaj o matichna lena lendar sine love basho dikhlarina.

You may also like...

Sorry - Comments are closed