Ko Kalemegdan, Belgrad, o komunalno dzandarmerija na mukena e Romane chaven te khelen peske !!!

KALIMEGDAN

Ko Kalemegdaneskoro parko ko Belgrad I komunalno dzandarmerija interveniringja thaj na mukla e Romane chaven te khelenpeske ko parko.

Akava pravde jakhencar sikavelape ko jek video materiali snimimo prekal mobilno telefoni, kova so ko odova momenti dengja dzivdipa basho sakana akale namangle chipotake thaj chivgjala ko socijalno netvorkija.

Ko video pravde jakhencar dikhelape kaj o nicheskere dzene tari komunalno dzandarmerija dena ko dodzandipa e jerijengje taro odola Romane chave, thaj ko jek thaj e chavengje kaj kamlape te cidenpe taro o chavorikane kunajke thaj te cidenpe podur taro o korkori than.

O jerije sig reagiringje mujal I komunalno dzandarmerija ko Belgradeskoro Kalemegdan, numa bizo nisave fajdeskere sine olengjere reakcije dzi ko dzandarmerijakere dzene, odoleske soske ola na kergje disavow baro paziba ko reakcije e korkori jerijengjere.

Ko istono vakti jek taro o jerije kova so sniminingja I sasti chipota palaldan shungjovela leskoro hango kote so vakerela: – Eke agar amen diskriminirinena amen akate, sa akava sniminavale thaj ka chivavle ko socijalno netvorkija ki te shaj o sasuitnipa te dikhel thaj te dodzajnel so chachipaske kerena amengje e Romengje.

Dali khoni ka prelel disave reakcije palo akava, thaj dali o Romano Biradjakoro Sektori tari Srbija ka reagirinel bashi akaja chipota achovela o vakti te sikavel.

O asavke tasfirija si but dromeskere sar ko Belgrad agar thaj polungo.

You may also like...

Sorry - Comments are closed