Ki Bitola inspekcija bizo angleder te del haberi peravgja o kher 7 dzenengjere jerilukoskoro taro Romano avipa

RUMA

Spremal o haberija taro socijlano netvorkija thaj profilija avdive iklilo jek haberi kaj ko 4to april 2017 bersh, ko than Petochno Pani kaj o Bairi ki Bitola bizo angleder te delpe haberi peravgjape o kher taro 7 dzenengoro Romano jeriluko tari Bitola.

Bare dzandarmerijakere arkaja o jeriluko sine hemanglal ikaldo taro lengoro kher thaj palo odova alope thaj dzi ko peraviba olengere khereskoro.

Spremal nekola naoficialno haberija navodno akava kher sine kerdo ko privatno phuvjalipa koja so phuv si ho sahibiluko e uche funcionereskoro thaj poanglutno ucho sluzbeniko ko MVR Bitola.

Bizo hemin sar d ate ovel thaj kova d ate ovel o chachikano sebepi, kerela gajla I sikavin kaj bizo angleder te vakerelpe thaj avipaja kova so chivela dark o kokala e Romengoro si kerdo akava kotor.

Akana o Romano jeriluko ko chachikano gndipa e lageskoro achovena ko droma 5 tiknebershengere chavencar thaj bizo dzandipa kaj o institucie ka arakhen nesavo adekvatno halojbe basho akava olengoro baro problemi.

You may also like...

Sorry - Comments are closed