Ki Albanija ko baro nivelo peravenape o Romane khera kola so nanelen legalizacija

ALBANIJA

Ko 18to fevruari 2016 bersh, ko than Selita, Tirana (Albanija), shov Romane khera kola so sine cidime taro o procesi e legalizacijakoro sine peravde tari rig e Nacionalno inspektoraetskoro basho arakhiba e teritorijakoro.

O sebepi olengere peravibaskoro sine te shaj te kerelpe drom ko istono than.

O perjbe kergjape ko bizo soodvetno oficialno havlariba basho o jerilukija, bizo te mukelpe lengje than te shaj te arakhen alternativno halojbe, kote so o halojbe basho perajbe na sine lenge ni sikavdo e Romane jerilukonge.

Akava sikavelape sar phagerdiba e kanuneskoro bashi gradezno inspekcija thaj zulumikulandipa e legarinakoro.

I akcija basho perajbe sine dendi ikerin tari rig e dzandarmerijakiri, koja so kulandingja atako dzi ko jerije thaj o aktivistija e dizutnikane sasuitnipaskere. I resarin e akcijakiri na sine nijamutneste kerdi thaj odoleja anglederangjape baro shok thaj dar dzi ko Romane erilukija thaj o Romane chave odole jerilukongere.

Ko 19to fevruari 2016 bersh, trujal 12:00 o ari panda duj javera Romane khera sine peravde, akoda o Romane jerilukija bishalgje thaj rojbe dzi ko adalati, kova so spremal o albanijakoro kanuni kamlape te stopirinen sine o perajbe sa dzi kote o adalati na dela dzevapi.

O Roma zojrakerena kaj olengere khera si kerde ko 10to augusto 1991 bersh a odova delalen nijami te roden o sopstvenost e kherengoro bizi kvalifikacija bashi eksproprijacija.

Numa, mujal akava, o khera e Romenge sine perravde bizo te ikljolpe definiribaja tari rig e adalateskere decizijakoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha