Ki Albanija ka kerelpe o avgo Parko basho keriba Romane kampija

KAMP

Jek kupa taro dizutnikane aktivistija ki Albanija khedena love te shaj te keren o avgo parko kote so ka oven chivde kampine basho o Roma e Tiranakere kola so nanelen kote te dzivdinen.

I praktika te dzivdinen o Roma ko asavke partija e kampinengere si but drom dikhli thaj o javera phuvja, numa akaja si i avgo dromeskiri asavki inicijativa te shaj odova kamp parko te kerelpe thaj ki Albanija basho o chorole Roma.

O parko adzikerelape te ovel kher basho 40 Romane jerilukija kola so ko momenti dzivdinena ki periferija e Tiranakiri, ko khera kerde taro kahsta, najlonija thaj kartonija. I ideja iklili sar so duj bebija taro akala jerilukija nakhle i dujnaja o nakhlo chon, a mule sebepi o shudre vaktija thaj o phare brshima kola so pele ko odova vakti.

O po takatlime lovencar Roma tari i kupa e aktivistengiri ki Tirana, prelegarena e organiziribaja thaj e aibaja volonterija kola so kamlape te phejraren akaja inicijativa. O aktivistija basho o odorigaskere mediumija vakerena kaj o chave merena taro shudripa thaj kaj o asavko legariba premal o Roma na kamlape pobuter te sajdinelpe ki Albanija, akana si vakti te prelenpe potakatlime pire, vakerena ola.

– Akala 40 Romane jerilukija kola so mangaja te dalen arka isilen sakosa 80 chave kola so dzivdinena ko shudro ko akala evendaskere vaktija. Ola sovena ki phuv, thaj odova olen mudarelalen, vakerena o aktivistija.

– Te dzivdinelpe ko odola shatija si pharo. Ola nashti te dzan ko siklane, odoleske soske ko olengoro than e dzivdipaskoro nanelen than kote te thovenpe, te uravenpe thaj agar shuzore te dzan te sikljoven, vakerena ola. O aktivistija pakjana kaj akale jerilukonge o keriba kamp parko ka halovel olengere bare pharipaskere puchina, dzikote na arakhelape lenge poshukar than e dzivdipaske.

O organizacije veke shurakergje akaja inicijativa taro 18to januari keribaja kampanja prekal o socijalno mediumija te shaj te kheden dzi ko 30 mile amerikakere dolarija, so spremal lnde bi ovena nichale te shaj te kinenpe odola transportiribaske kampine – kombija taro Pashchimalo kotor e Evropakoro.
O parko ka ovel kerdo ko pashipa e thaneskoro Shkoza ki Tirana.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha