Khera basho 50 Romane jerilukija ko Belgrad

СРБИЈА

O vice dizjakirisherutno e Belgradeskiri Andrej Mladenovich thaj o sherutno ki Kancelarija taro UN basho proektengere usluge ki Srbija (UNOPS) Grem Tindal, vashramovinge Memorandumi basho mashkarbutikeriba, ko pervazija e dujto fazakoro taro proekti basho haloviba e khereskere puchibaskoro basho 50 Romane jerilukija taro o naformalno kupatna ko Belgrad.

Sar so prelegarena o odorigaskere mediumija, o Mladenovich vakergja kaj o memorandumo kova so si vashramomo isile basho resarin te halovel o stambeno problemi 120 jerilukongoro, dzivakeribaja kaj taro 2009 bersh o Belgrad dengja khera basho pobuter taro 300 Romane jerilukoja.

– Naformalna thaj nachista kupatna ko Belgrad isi pobuter taro 100. Amen sijam decizijaja te shaj barabarutneste amare amalencar, paluneste taro UN thaj o sikavutne taro EU ki Srbija, te halojva akava problemi. Koa kava chane o Roma khuvena ki programa e sakosaskere socijalizacijakere thaj odova ko puchina sar so si: buti, sastipaskiri arakhin, socijalno nijamija, numa thaj chijba e chaven ko edukacijakoro sistemi, vakergja o Mladenovich.

Ov dzivakerela kaj ko plani sit e kerenpe akciono planija kola so sakosa ka haloven o naformalno kupatnengere problemija ki teritorija e dizjakiri.

O sherutni ki kancelarija e UNOPSeskiri Grem Tindal vakergja kaj ki avgo faza taro proekti resargjape I mashkarbutikerin e dizjakere legarutnencar palo puchiba sajdiba e manushikane nijamengoro thaj kaj si chivde duj modelija e socijalno kherengoro, kola so si ko sklop e mashkardzijaneskere standardencar basho keriba sajgija e lanushikane nijamengoro.

O proekti “Poshukar keriba e dzivdipaskere shartengoro basho hemzagrozime Romane porodice ko Belgrad” si finansirimo tari EU 1.5 milionija evroncar, a kerdo taro UNOPS ko mashkarbutikeriba e Dizjaja Belgrad thaj ki koordinacija e Kancelarijaja bashi evropakiri integacija e Srbijakere Radjakoro, I Kancelarija basho manushikane thaj minioritetengere nijamija, o Timi basho lejbe than thaj smestuiba e chorolipaskoro thaj o Nacionalno konsili e Romane nacionalno minioriteteskoro.

Ko pervazija e proekteskoro, ko Belgrad dzi ko agor taro chon februari 2019 bersh ka ovel kerdi jek stambeno zgrada basho socijalno stanija kote so ka oven 23 stanija.

You may also like...

Sorry - Comments are closed