Kerenali o Roma panda o gadzikane bidjukija: Badniko thaj Bozik???

boziko

Irati thaj avdive arakhlovaja ko divesa kola so si hembare thaj heminportantno basho o preperutne e pravoslavno pakjiakoro.

Irati sine Badniko, Kolede thaj avdive si dive kana spremal lende bijandilo o Isus Hristos jali Boziko.

Sar Romani nacija, paluneste o popurane generacije, shukar denape ki gnd kozom ko baro nivelo mashkar o Roma slavinenape sine akala hristijansko bidjukija a akoda o Roma anavkerenape sine sar Muslimanija.

Shurakerindor taro Nevo bersh, prekal ko badniko thaj Boziko pa sa dji ki Vasilica o Roma ko chon Januari slavinena sine jek kupa bidjukija kola so si gadjikane.

Numa, dikhindor ko avdisutno vakti, spremal o lafija e Romengere, shaj te vakerelpe kaj but tikno numero jali skoro nikoj pobuter na kerena akala bidjukija.

I gnd kori o Roma, kola so pobaro kotor si Muslimanija, barili pobuter thaj akana djanena kaj ako sijan muslimani tuke nane dendo te kere odola bidjukija, thaj hembutpakjalape kaj i religija Islam hembut isila khelin ko odova so o Roma sapobuter chinavena te keren akaja gadjikane bidjukija.

 

Ko beshiba e popurane generaciencar, kana ka aven akala divesa akale bidjukongere, but drom sijam svedokija sar ola denape ki gnd sar nekana kerena sine akala bidjukija.

Andinena sar tharena sine jaga basho badnik, pa sar djana te oven koledarija ko zgrade e gadzengere pa sa dji ko hajbe vechere ko dive kana o Isus bijasalilo jali ko Boziko.

Avdive odova skoro ni na kerelape. O poterne generacije kola so si bijame taro 90ta bersha pa naakari, skoro nikoj na djanela sar lichinela o slaviba odole bidjukongoro.

Ko agor, o Roma baro kotor, skoro sarine, veke na kerena ni jek taro o upre andime gadjikane bidjukija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha