Ka ulavenpe trujal 7 milionija evroja basho anglutkeriba e Romane dzivdipaskere chipotakoro

PARI

I telalprezidentka ki Radja e Srvijakiri Zorana Mihajlovich vakergja avdive kaj ko sig vakti ki beshlarin e radhakiri ka arakhlovel akciono plani bassho 2017 dzi ko 2018 bersh ki rota kolate so planirinelap te ulavenpe trujal 7 milionia evroja basho proektija kola so ka poshukarkeren I chipota e Romane etnikane jekhinakiri ki Srbija. Basho akava napi dendo si haberi dzi ko Ministeriumi basho gradeznishtvo, trafiko thaj infrastruktura.

Ko havlariba andinelape kaj trujal 70% taro odola love ka oven obezbddime taro budzeti e R.Srbijkere, a o javera 30% taro o anglederavipaskere fondija.

I Mihajlovich sikavgja kaj o problemija e Romane populacijakere bashi I Radzja si but inportantna, so sikavela ko odova o keriba e koordinacijakere badaneskoro basho realiziriba e Strategijakoro bashi socijalno inkluzija e Romengiri thaj Romajna ki R.Srbija, a koja so komisija si kerdi taro 7 ministerija, Romane amalipna thaj agar naodori.

I tanja Mishchevich ko sostanok sikavgja kaj o fakti so e Koordinativno badaneja basho o Roma pretseduinela I telalprezidentka e Radjakiri kerela lafi kaj isi politichko mangin te shaj I politikikakiri chipota akale jekhinakiri ki Srbija te ovel poshukar.

I Suzana Paunovich shukrakergjape basho pretsedacacija so akhargja sostanok mashkar akava badani thaj predlozingja te shaj ko avutnipa thaj sa oleskere dzene te oven bishalde ko havlarina kola so I Hancelarija basho manushikane nijmija delalen ki Evropakiri komisija.

Ko sostanok si phanlolafi thaj te shaj sa o havlarina kola so o dzene akale badaneskere ka tranpuinenlen te oven kerde ko trin chibja – srbijakiri, Romani thaj anglikani chip.

You may also like...

Sorry - Comments are closed