“Jusuf”, Umetniko katencar ko vasta

UMETNIK

I precizno jak e Jusufeskiri ki kombinacija oleskere sansareja thaj sabreja kerena piro umetnost ko bala e mushterijengere.

I paramiz basho Jusuf shurakerela taro Shtip, basho vakti e obukengoro basho fundamentalno nijamija, kote so arakhelape o Jusuf sar dzeno so lela than ko odola obuke. Pes sikavelape sar dzeno kova so irangjape tari Germanija, kova so ko thavdipa taro duj bersh siklilo o berbersko zanaeti thaj palo iraniba pe tari Germanija sine zainteresirimo te dzal thaj poodori te siklljovel pobuter basho frizeri.

Isijbaja ko dikhiba I shajsarin so dengjala leske o proekti “Socijalna inkluzija e Romengiri kola so irangjepe ki pi them thaj dzene dizutne ki Makedonija” o NRC ko fevruari 2017 bersh chivelale ki shurakeribaskiri obuka basho frizerija koja so kerelala ko mashkarbutikeriba e Frizersko studioja “Kontesa” ko Shtip. Ki obuka o Jusuf pohari shurakerela te sikavel pire kvalitetija, te shaj salde basho palo 2 kurke te lel ponuda te avel sekova dive ko saloni thaj intenzivno te sikljovel o zanati. Akana kerela buti sar murshengoro frizeri, shuzakerela o brade thaj depilirinela murshen thaveja, tehnika koja so avela taro Khoranipa, a sikljilola ki Germanija.

Bashi I ponuda so e Jusufeske dengjala o NRC zvucinela leske inteersno, pa agar o duj riga angje decizija te vizitkeren o saloni kote so ov takarela piro zanaeti thaj odothe o dzijani zapnedjarelale panda poshukar.

O 19 bershengoro Jusuf dzivdinela ko Shtup, ki kupatni Senjak, barabar pire dadeja. Isile pral thaj phen kola so dzivdinena ki Germanija pire jerilukoncar, a I daj leskiri mulo. Agorkergja mashkaruni edukacija, thah duj bersha mashkaruno tekstilno educiriba. Barabar pe dajaja thaj pe dadeja dzana ki Germanija. Ki siklana, vakerela o Jusuf, kaj pobuter mangjela sine te crtinel nego te sikljol. Crtinela profilija moliveja panda taro piro tiknipa.

Ki Germanija avgo dzala sine ko arija pali germanijakiri chip, a ko mashkarvakti havgja kaj oleskoro unuko, o chavo leskere phejnakoro sikjlovela sine basho berberi thaj kaj o shartija basho odova zanati si buti shukar. O Jusuf palo odova anela decizija te khuvel ko odova zanati thaj kana prijavingjape te sikljol, o majstori dihlale kaj isile umetnikani jak thaj vakergja leske kaj isile potencijali bashi te kerel buti. Jek bersh tekvash siklilo zanati ko frizersko saloni Unikat, palo odova 3 chona gelo ko javer zanati. Ko mashkarvkati ki Germanija merela leskiri daj thaj ko shuru e 2017 bersheskoro ov iranelape ki Makedonija.

Korkori peske gndinela kaj si hazrlija te kerel buti but te shaj te sukcesinel. Basho jek chon kozom so sikljola ki Kontesa, lela but mushterije kola so si chale tari leskiri buti. O Jusuf mangjela te ovel le piro saloni, piri kariera, te dzivdinel taro akava zanati. O saloni ka akharelpe Cut it. – Salde sa neka avelpeske nicheja, ko agor phandela o Jusuf thaj vakerela – basho sa kamlape te ovelpe niche.

You may also like...

Sorry - Comments are closed