Jek adresa, milionija problemija basho Baireskere Roma tari Bitola

БИТОЛА

Akoda shungjovela pohari cinichno, basho rojbe, odova si o chachipa. O Roma tari Bitola, kola so si sherutneste skoncentririme ki kupatni Bair, telal thaj upral o tegionalno drom Prilep – Bitola – Resen, isilen bizo konkurenvija o hemshukar thaj o hemshuzo dikhiba dzi ki diz. Taro odova kotor I diz Bitola dikhovela sar ka phene si ko tumaro vas.

Vakertuke nane thaj jali kotor tari diz so nashti te dikhele nange jakhaja. Akoda ki diz telal ko Pelister isi nekozom neve kupatna, sapanda bizo nisavo preteriba, ni jek taro o kupatna ki Bitola nanela poshukar dikhiba tari Romani kupatni Bair.

Numa I kupatni Bair, basho rojbe, si than kote so ko hemshukar chan shaj te dikhelpe o rojbaskoro thaj o nashukar tasfiri basho dzivdipa e Romengoro. O hembaro kotor taro o dizutne e Baireskere, hegudle lafencar vakerdo, si bisterde hem taro vakti hem taro o institucie.

Sar so vakerena o dizutne tari akaja Romani kupatni, ki olende o nadlezna institucie thaj o politicharija denape ki gnd salde ko vakti e alosrinengoro, kana kamlape te ubedinenpe kaske te den piro hango. Odola divesa e Romengje delape lafi ko sa. Kana ka agorkeren o alosarina, olengoro nango dzivdipa dzala thaj poodori te kerelpe. O hembaro kotor taro o Roma ki akaja kupatni legarenape ki jek adresa, Karaorman 103, kote so si prijavime upreder taro 500 Romane jerilukija.

Baro kotor olendar legarenape ki adresa Karaorman nu.111. Ko odola duj adrese resaena sa o pismija, esapina, angledervakerina… A o than Petochna Voda, kova so arakhlovela ki akaja kupatni thaj dikhovela sar chachikano geto, si nishani sa e chuche thaj e hovajbaskere dende lafija tari rig bizo hari sa e lokalno bitolakere politicharengoro, kola so lafija denalen e Romengje basho vakti e alosarinengoro.

Rojbaskiri si thaj derteskiri I paramis e Romengiri tari Bitola kla so dzivdinena ki kupatni Bair.

O problemija kolencar so arakhenape o Roma taro Bitolakoro Bairi o divesa sine artiklo e debatakoro thaj ki tribina kolate so o organizatorija thaj kotor taro o dizutne so lele than pravdeste kergje lafi basho problemija. O proekti, kova so si finansirimo tari Nacionalno fondacija bashi demokratija, a kerelale I B.O. ROMA SOS, kerela zori te del dzevapi ko puchiba koleja so arakhenape o Roma na salde ki Bitola numa thaj ko javera 8 komune ki R.Makedonija. Sakosaskoro phanlipa sa e dzenengiri so lele than sine kaj o problemija vakertuke si ista ko sa o komune.

Basho odova kozom si bari I gajla jali I bigajla basho o Roma ki Bitola hemshukar zojrakerin si odova so akoda ko nakhle bersha sine ande kanunija bashi legalizacija e divo kerde kherengoro, ki kupatni Bair inane legalizirimo bukvalno ni jek objekti.

You may also like...

Sorry - Comments are closed