Isile 4 romnja thaj 12 chave – o Romano Izeti tari Bosna thaj Hercegovina slavingja o nevo bersh sar SULATANI

GRINDO

Ko jek bosnakoro Romano jeriluko o slaviba e Neve bersheskoro sine thaj pobuter taro bahtalo.

O Romano Izet Ramovik Gringo isile 4 romnja thaj 12 chave, sarine djivdinena telal ki isto chatija, a o slaviba ko olengoro kher sine bi bisteribaskoro thaj pobuter taro bahtalo.

Sarine ola djivdinena telal ki isto chatija ki Bosna thaj Hercegovina, numa o proslave e neve bersheskere ko olengoro kher taro bersh ko bersh si sa poshuze thaj poshuze.

Oleskere 4 romnja vakergje kaj sarine ola mangjenale, numa thaj kaj pohari si thaj sarine ljubomorna jekh javerake.

– Amen sarine mangajale. Ov pelo mangje ko ilo – vakerga i Rozina jek taro o 4 romjna e Izeteskere.

Mashkar o javer, o tiknobershengoro chavo e Izeteskoro si veke prandimo, a oleskiri romni isto agar sine ki proslava e nevebersheskiri thaj djivdinela telal ki jek chatija sa e djenencar tari akaja Romani familija ki Bosna thaj Hercegovina.

O dikhlo materiali kova so iklilo ko fejsbuk anglederangja ulavde reakcije ko sasuitnipa. Djikote jek kupa taro o djijani vakerena kaj o kher e Gringoskoro si poveselo thaj but javera jerilukija, javer kupa taro o djijani kritikuinenale basho asavko chane e djivdipaskoro.

Numa sarda te ovel, taro o korkori materiali dikhaja kaj asavko Nevo bersh shaj te kerel le o Sultani e Bosnakoro o Gringo. Slavinena, khelena, hana thaj pijena sar ka phene te djivdinen ko ensavo harem nesave Sulaneskoro, kova so uzal peste isile ni hari ni buti – 4 romnja thaj 12 chave.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha