Isi li e Romen shartija te shaj te ovel len IDEALNO DZIVDIPA ???

IDEALEN ZIVOT

Te ovel tut shukar familija, te oven tut gogjaver chave, te oveltut shuzo vrdon thaj kher, te ovel tut komuna koja so isila sa o shukar shartija, te ovel tut shajdipa te phejrare tire fundavno manushikane shartija basho dzivdipa, te oveltut shukar sastipa thaj buti, thaj panda but javera shartija sekole jekehe Rome bi anenale dzi ko idealno chane e dzivdipaskoro, t.e. dzivdipa bizo nishto te falinel tuke.

Kozom e Romen isilen shajdipa basho jek asavko dzivdipa, thaj dali nekana bi avena dzi ko idealno dzivdipa puchlam amare Romen tari komuna Shuto Orizari kolendar so lelam turli dzevalipa.

Nekola vakerena kaj isi dosta Roma ko avdisuto dzivdipa so isilen idealno shartija basho dzivdipa, numa o pobaro kotor vakerena kaj olen nanelen love basho te pukinen nichale sekova chon piri esapin bashi struja a kamoli palem te ovel len javera poshukar shartia basho dzivdipa.

O hembaro sebepi basho odova so o Roma nanelen idelno shartija e dzivdipaskere si so but terne agorkerena siklane, fakultatija a sapanda beshena khere bizi buti.

 

I buti ukrasinela e manushe, si pendjardo lafi kova so kulandinenale thaj o Roma, thaj vakerena kaj kana bi ovela shajdipe e romena da familijen te keren hemhari 2 dzene tari familija buti, tegani shaj te gndinelpe basho idealno dzivdipa.

Sa dzikote o Roma dzivdinena tari socijalno arka, tari privatno buti kolendar so acholalen po 10 jali 20 dinarija khari, agaar nikana nashti te aven dzi ko idealna shajsarina basho dzivdipa.

Te dzivdinelpe idealno dzivdipa si asavko dzivdipa so nane te ovel tut nikaske gajla thaj sekiracija taro tire pashutne.

Salde te dikha kozom isi odoborom familije kola so anglder te soven hembut gndinena basho pire esapina, hajbe, pijbe, educiriba e chaven thaj agar naodori, tegani ka haljova kozom o Roma isilen idealno shartija basho dzivdipa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha