IRU ko dive e Romengoro: Kamlape pobaro uloziba e radjengoro, basho poshukar keriba o nijamija e Romengjere

IRU

I Internacionalno Romani Unija – IRU, sar aktivno internacionalno Romani organizacija, ko jakha taro nishanikeriba 46 bersha taro o ikeriba e Avgo Sumnaleskere Romane Kongreeskoro ko London, Bari Britanija, kote so ko odova dive chivgjepe o temelija e avdisutne Romane identiteteskoro, sikavela pravdo pismo kote so dela rodariba dzi ko radje, institucie thaj sasuitnipa.
Agaar o IRU rodela nihanikeriba o 2to Augusto – Dive e Holokausteskoro upral o Roma. Prajbe pobaro numero taro memorijalno muzeija, vazdiba thaj nishanikeriba gndimalo bar nishanikeribaja sa odola lokacie – thana kote so kergjape o zulumikotora upral o Romano dzijani.

O IRU rodela thaj nishanikeriba o Sumnaleskoro dive e Romane chibjakoro, 5to Noemvri – Dive kova so si jek taro o hembare kulturakere identifikacije e Romane nacijakere.

O IRU Rodela pravdo prelejbe akcije e korkori rashtrengere thaj Radje tao phuvja e EU thaj polungo kote so o Roma rodingje arakhin – azil.

O URI rodela pokonkretno akcie taro NVO sektori prekal kerde dizutnikane platforme kola so ka ikeren ki peste chachikani resarin, akcie thaj vakteskere vaktija bashi olengiri realizacija, a ko intereso e Romengoro.

O IRU akharela e Romane politikakere partien thaj politikakere faktoren te deluinen konkretno thaj hemdzevalipmeste upral o Romano puchiba.

O IRU rodela pobaro finansisko angazmani e kotkori rashtengoro thaj institucie, ko pjerariba sa akale prioritetengoro, socijalno thaj ekonomijakere politike.

O IRU ka kerel zorija e internacionalno sikaviba taro o dzene taro ERTF te dzal poodori e lafikerinenca basho halojbe e Romane puchibaskoro ki Evropa thaj ko sumnal sar thaj ko hemucho dziakana akcepirimo badani thaj prajbe e Romane ombudcmaneskoro ko Konsili e Evropakoro, Evropakere institucie thaj Pashakerde Nacie.

You may also like...

Sorry - Comments are closed