Irati o prezidenti ko OPER, o Rajo Nezdet Mustafa, dikhlape pire partijakere dzenencar tari diz Veles

neco

Irati o ministeri ki Radza e R.Makedonijakiri sar thaj o prezidenti ki Romani politikakiri partija OPER, gelo ko Veles kote so kergja sostanok jali dikhiba pire partijakere dzenencar tari akaja diz e themakiri.

Ov pire partijakere dzenencar taro Veles khedingjepe ko pire partijakere kancelarije kote so lel than baro numero taro o Roma ikerutne e politikakere partijakere OPER, interesantija, simpatizerija thaj javer amala thaj prajla Roma e Veleseskere.

I resarin so o prezidenti ko OPER, o rajo Nezdet Mustafa gelo te kerel dikhiba pire partijakere dzenencar taro Veles sine te shaj jakha ko jakha te del len pobuter informacije basho o nevipena so isilen ki piri partija.

Akoda i konsolidacija mashkar sa o partijakere dzene e OPEReskere taro sa o dizja e themakere si sakana ko ucho nivelo, o ministeri Mustafa angja decizija irati te dikhelpe pire partijakere dzenencar taro Veles thaj te del len instrukcije sar kamlape olengiri politikakiri partija te kerel buti ko avutnipa.

O heminportanto haberi thaj savala so dengjala o prezidenti Mustafa e partijakere dzenengje taro Veles sine o haberi kaj ko vakti savo so avela i partija OPER ka musaj ki sekoja diz thaj kupatni e Themakiri te sprovedinen thaj te phejraren po jek anketno puchiba kova so ka phejrarelpe prekal dzajbe ko khera e Romengjere.

O anketno puchiba, dzivakergja o minisiteri Nezdet Mustafa, ki peste ka ovel le o 5 hembare problemija so isi e Romen ki them, a o anketarija, t.e. o partijakere dzene taro OPER ka pucen e Romen kola taro o 5 heminportantno problemija e Romengere ki them ka ulavenlen sar hemzarureskere te halovenpe. Isto agar ko anketno puchiba ka ovel shajdipe o dizutne da so ka oven anketirime taro Veles thaj taro o javera dizja te chiven thaj pire predlogija sar problemija kola so mangjena ko avutnipa i Radza e R.Makedonijakiri te halovel len.

Thaj, sem basho o lafikeriba trujal o zapendzariba e anketno lileskoro, o prezidenti ko OPER thaj o ministeri ki Radza e R.Makedonijakiri o Rajo Nezdet Mustafa pire partijakere dzenencar taro Veles kergje lafi thaj trujal i momentalno politikakiri chipota koja so arakhlovela ki R.Makedonija.

O moto e prezidenteskoro Mustafa ko akava sostanok sine kaj sarine ko jek than shaj te kera pobare bukja thaj te da arka sar Romani nacija e Rashtra ko halojbe akale politikakere krizakoro.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha