Irati o Ministeri Nezdet Mustafa gelot e vizitikerel e Romane familija Demir tari Shutka kola so thabilo olengoro kher

nezdet_mustafa1

Irati o Ministeri ki Radza e Republika Makednojakiri thaj o Nacionalno koordinatori e Romane Dekadakor, o Rajo Nezdet Mustafa, sine ki vizita ki Romani familija Ramiz tari komuna Shuto Orizari.

O sebepi oleskere vizitakoro ki akaja Romani familija taro Drom Pelagonija numero 52 sine te shaj te del piro sochistvo bashi i jag so iklili thaj so muklja akale Romane familija vakertuke bizo nishto thaj bizo krovi upral o shero ko akala phare evendaskere shartija.

Numa, i sherutni resarin oleskere vizitakiri sine te shaj te dikhel savi si i hemnaophodno arka ko momenti so kamlape akale Romane familijake kolake so o Ministeri Mustafa kamlape te del la.

Spremal o zarurina thaj o lafija e Romane familijakere, hembut so kamlape lenge ki akaja dakika si te shaj te obezbedinenpe lenge o hemnaophodno shartija basho hajbe, pijbe, sheja, tate kebe thaj javera sekolediveskere bukja kola so skoro sa akala gjende bukja i romani familija Demir hasargjalen angleder duj divesa kana i jag so iklili kergja ko pravo sa so sinelen.

Piro sochistvo thaj piro dendo lafi kaj ka del arka akale Romane familija irati angli i familija Ramiz dengjale o Ministeri Nezdet Mustafa.

Odma ko korkori than, angli lende, vazdingja sig inicijativa, thaj akhargja e humanitarno organizacija anaveja “ADRA” te del humanitarno arka e Romane familija.

Sebepi so i vizita uli ko rakjakere arija, nasti sine odma ko momenti te anelpe i arka, numa odoja arka, ki mashkarbutikerin mashkar o Ministeri Mustafa thaj i organizacija ADRA uli avdive. Ko prilog savo so avela palo akava ka dikhen sa o dendo lafi bashi humanitarno arka e Romane familijake Ramiz, dendo taro rajo Mustafa angjape odma ko than.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha