Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha

Intenzivno kerelape buti ko keriba e ploshtadeskoro ki prilepeskiri kupatni Trizla, love investirime taro Ministeri Nezdet Mustafa

Intenzivno kerelape buti ko keriba e ploshtadeskoro – parko ki kupatni Trizla, kova so kerelape odma uzal I dzamija. O baripe e proekteskoro legarela trujal 1,5 milionija denarija, a o love si obezbedime taro duzeti e Romane Dekadakoro, prekal ko Ministeri ki Radja e R.Makedonijakiri duglija bashi implementacija e Romane Dekadakoro, o Rajo Nezdet Mustafa.

– Amen sijam but shukrakerde ko zorija e Radjakere thaj e ministereskere Nezdet Mustafa, kova so tari dekada e Romengiri sar donirime strestvija, olencar shuzakerelape akava than trujal I nevi kerdi dzamija ki kupatni Trizla. I korkori dzamija ka simantririnelpe, ka kerelpe shadrvani, kote so palo odova ka dzalpe thaj ko poplochiba e ploshtadeskoro sar thaj e shuzakribaja e thaneskoro lulugjencar. Odoleja ka ovel rotirimo o shuzakeriba trujal o than e dzamijakoro ki kupatni kova so ka sikavelpe sar jek tikno khedibaskoro than kova so ka kulandinenle o dizutne, vakergja o dizjakorosherutno e Prilepeskoro Marjan Risteski.

O dizjakorosherutno Risteski kergja dikhin thaj ko butikeribaskere aktivitetija kola so kerenapa thaj trujal I korkori dzamija, kola so kerenape prekal donacije. O hembaro kotor taro donacie si taro islelime Roma taro sasto sumnal, tari komuna Prilep, sar thaj taro o muslimansko dizuitnika ki kupatni.

– O dizjakorosherutno Risteski but drom avela ki vizita amare dzamijakiri ki kupatni Trizla te shaj te kerel dikhin ko odova sar kerenape o bukjarne aktivitetija akate. Akana I dzamija ka ovel la thaj shuzo ploshtadi shuzakerdo lulugjencar thaj shadrvaneja kova so si donacija taro Ministeri Nezdet Mustafa, ki mashkarbutikerin e komunaja Prilep. Bashi amengje akala proektija si shukarale kola so kerenape akate odoleske soske basho muslimanija tari Trizla sine suno te ovel len akaja dzamija kote so rahatlimeste ka shaj te keren pire pakajbaskere savale, vakerga o Almir Sulejmanoski, Imami ki dzamija ki kupatni Trizla ko Prilep.

O Samit Bajramoski, prezidenti e pakajbaskere jekhinakoro Ehli Sunnet vel Dzemaat sikavgja basho chalipa dzi ki aktuelno legarin ko Prilep sar thaj dzi ko Ministeri Mustafa basho sa odova so dziakana si resardo.

– Akaja dzamija shurakergjam te kerala taro 2012 bersh thaj oj kerelape basho but sig vakti, vakerela o Bajramoski.

Spremal I dinamika e butikeribaskiri o keriba e ploshtadeskoro thaj e shuzakeribaskoro kamlape te ovel agorkerdo basho nekozom kurke.

You may also like...

Sorry - Comments are closed

Video

Follow Us