Informacija dzi ko Roma: Taro taisa veke na kamlape ko tumare vrdona te legaren evendaskiri hazrkerin !!!

ZIMSKA OPREMA

Daja informacija e Romen kaj I phandin basho inportantno legariba e evenfaskere hazrkerinakoro, bizo te dikhelpe ki momentalno vakteskiri chipota, agorkerela avdive, 15to mart thaj, taro taisa veke na kamlape ko tumare vrdona te phiraven odoja evendaskiri hazrkerin.

Sar so dena haberi o AMSM palem, o trafiko ko rashtrakere droma kerelape palo ko hembut shuke vozibaskere droma. Ko klisure thaj ko prechinibna isi shasjarin taro ikljovina periba e phuvjakoro, palunese ko droma: Kochani – Makedonska Kamenica-Delchevo, Vinica-Berovo, Gostivar – Straza, Mavrovo – Debar – Struga, Demir Kapija – Udovo Katlanovo – Veles, Krushevo – Demir Hisar thaj Resen – Bukovo.

O intenziteti ko trafiko ko droma avrial taro dizjakere thana si umerimo. Ko simantrakere nakhina, daja haberi e Romen, nane polungo ikeribna basho khujbe thaj ikljojbe tari rashtra. Akaja informacija legarelape salde bashi makedonijakiri rig ko nakhina.

Daja haberi e Romen kaj dzi avdive, tritodi, dzikote nanetumen evendaskiri hazrkerin shaj et oven lovencar dzeziume taro dzandarmerijakere ekipe.

Asavko kanuni isi sekote trujal o sumnal, a pakjana jali na ako ki Avstrija nanetumen evendaskiri hazrkerin shaj te oven dzezuime thaj dzi ko 5 mile evroja.

You may also like...

Sorry - Comments are closed