Informacija dzi ko Roma: Taisa ka ovel o hemshudro dive ko akava even !!!

VOZENJE PO SNEG

Daja jek inportantno informacija dzi ko amare Roma kaj o Taisutno dive ka ovel o hemshudro dive basho akava even. O meteorolozija havlarena kaj o rakjakere temperature ko nekola kotora tari phuv ka mukelpe thaj dzi ko 18 digre teleder o zero.
Trin gava ko trujalipa e Skopjeskoro achovena te oven chinde sebepi i bare iva. O dizutne taro Tanushevci, Brest thaj Malina adzikerena o nadlezno te raskosen a than e avipaskoro dzi ko akala gava. Taro centro basho legariba e krizencar vakerena kaj o ekipe e Makedonijakere Drom si sakana ko teren, thaj o droma sakana kosenalen spremal o prioriteti. Hemavgo kerelape buti ko magistrale thaj ko regionalno drumija kote so o trafiko si pobuter frenkfentno.

Taro AMSM dena haberi, a amen daja haberi dzi ko Roma kola so sakana ikljovena ko drumija, kaj o trafiko ko sa o rashtrakere dromija kerelape thavdipaleste, a ko disave thana isi sapane droma. Bitakatlimo iv thaj avdive perela ko Mavrovo, Smojmirovo thaj k planinakoro prevoj Gjavato.

Isto agar daja haberi dzi ko Roma kaj taro EVN vakerena kaj o ivalo vakti na anglederangja pobare defektija ko snabdiba e elektrikane energijakoro. Defektija anglederande tari bavlal sine ki Bitola thaj ko Rosoman, kola so ko sig vakti sine lacharde.

O taisutno dive, daja haberi e Romen, ka ovel o hemshudro dive akale evndaske. O meteorolozija havlarena kaj rakjakoro o temperature ko nekola kotora tari phuv ka peren thaj dzi ko 18 digre teleder o zero, a o diveskere ka resen dzi ko 2 digre. Hemshudro ka ovel ko Berovo thaj ko Mavrovo, a ko Skopje i ziva taro termometari ka hulel ko -10 digre.

Odoleske, daja haberi e Romen, o nadlezna dena apel o shoferija inportantno te legaren evendaskiri hazrkerin ko pire vrdona, pazibaja te palden o vrdona bizo but te sigjaren, akharena te sajdinenpe o trafikoskere nishanija thaj dena apel dzi ko sa o dizutne, chivindor thaj e Romen, te keren peske plani e phiribaskoro kova so ka ovel prilagodimo e vakteskere shartencar.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha