Informacija dzi ko Roma: So si odova “MINIORITETESKIRI (MALCINSKO) RADJA” ???

влада

Palo esapinengjere hembiadzikeribaskere alosarina ki pobuterpartijengiri Makedonija, pravenape hemime scenario basho odova sar ka ovel kerdi I avutni radja.

Sapanda, sem o hemime hangija basho o neve koalicijiono amala thaj mandatari e neve radjakoro, ki jek asavki poltikakiri chipota, ko politikakere rote sar jek taro o teoretsko shajsaribaskere opcie andinelape o termini minioriteteskiri radja. O termini akanaske si bipendjardo ki amari praktika, numa odoleske, palem, pendjardi si sar teorija.O sumnal, daja haberi e Romen, pendjarela but artiklija e minioritetengere radjakoro, paluneste ki chipota kana ni jek partija ko alosarina na lelakegja nichalo pobuterdzejnipa taro sakosaskoro numero taro deputatija.

Asavke chipote sine ki Belgija, Danska thaj ko javera phuvja. I sushtina e modeleskiri minioriteteskiri radja si ko odova so jek taro o partie, hembut drom odoja koja so isila hembaro numero taro deputatija, ka kerel kali ka prelelakerel koalicija koja so ka kerel I radja.Numa o partie so ka khuven ki radja ka nane te ovel len pobuterdzejnipa ko parlamenti, numa ka zavisinen tari I ikerin taro javera partie so na bi ovena chivde ki forma e legaribaskere legarinakoro.

Akava, daja haberi e romen, znachinela but potikno politikakoro stabiliteti ki Radja, numa, tari javer rig, bi chivela e radjakere kabinete te kerel buti polungo komrpomisija basho sa o decizija so anelalen, t.e. bi simantririnela oleskere shajsarina basho jek rigakoro aniba decizija. O teoreticharija, adzikeribaskoro, arakhle pozitivno thaj negativno riga thaj ki akaja da ikljovin.

O pozitivno si ko odova so bi nashelape taro jek rigakoro aniba decizija, paluneste ki phandin e deciziencar so shaj te keren baro bichalipa jali ulavin ko sasuitnipa. O legaribaskere partie, dzanibaja kaj zavisinena tari I ikerin e javerengiri, bi musaj pobuter te pazinen ko interesiija e javerengere.

O negativno aspektija, palem, daja haberi e Romen, si kaj so odova shaj te ovel zulumikulandimo, pa o partie so nane ki radja te opstruirinen hemime procesija sebepi pire sebepija. Isto agar, I radja bi ovela bizoakati te legarel polungovakteskere politike, dzanibaja ki kozom bistabilno funda si chivdi. Akatar avela o puchiba: Kozom tari I momentalno chipota ki Makedonija shaj te avelpe dzi ko ikljoviba e minioriteteskiri radja?

Dziakana ki Makedonija na sine asavko artiklo thaj sa o partie so kergje radjakiri koalicija kergje pobuterdzenipa ko Khediba, kola so dena sine lengje piri ikerin. Numa nikana, palem, na sine ni odoborom bizolafeskere o esapija taro alosarina, save so si akana Politikakere analiticharija esapinkerena kaj sa o kombinacie si shjsaribaskere, pa agar thaj akajada.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha