Informacija dzi ko Roma: O DIK akharela e dizutnen te keren dikhlariba ko Alosaribaskoro spisako

DIK

Daja informacija dzi ko Roma kaj I rashtrakiri alosaribaskiri komisija angleder nekozom divesa ki piri veb – rig akhargja e dizutnen te keren dikhin e sikavinengiri ko Alosaribaskoro spisako, thaj dzikote esapinkerena kaj si zaruri, te roden tranpe, dzipherdipna jali te kosen disave sikavina.

O alosaribaskoro spisako kova so chivelape ki dikhin si kerdo e sikavinencar e dizutnengjere kola so phanlo e 1to fevruareja 2017 bersh, ule pherdebershengjere.

O akhariba e DIKeskoro sikavelape ko vakti kana si bi adzikeribaskoro o mandate e dizjakeresherutnengoro thaj e komunakere konsilengoro, a sapanda nane zakazime o lokalno alosarina, nipalem, dzanelape kana ka zakazinenpe.

I portparolka e DIKeskiri, Ljupa Guguchevska vakerela kaj o akhariba dzi ko dizutne basho keriba dikhin ko Spisako si nichali postapka thaj kaj basho odova isilen phandin chtar drom ko bersh te keren prechiniba.

Numa, dzikote zakazinenape o lokalno alosarina, I chipoa ka ovel sakosa javer.

– Ki odoja chipota, o alosaribaskoro psisako chvielape ko sasuitnikano dikhlariba hemgechi 15 divesa taro dive e rasmukiabskoro e alosarinengoro. Palo 20 divesa o spisako phandelape, vakerela I Guguchevska.

– O sasuitnikano dikhlariba shaj te kerelpe ki oficialno veb rig e Rashtrakere alsoaribaskere komisijakiri thaj ko podrachno oddelenia thaj kancelarie e Rashtrakere alosaribaskere komisijakere. O rodarina basho tranpe, dzipherdipa jali kosiba e sikavinengoro ko Alosaribaskoro spisako, o dizutne denalen dzi ko Potrazno oddelenie thaj ancelarija e Rashtrakere alosaribaskere komisije, tergjovela ko sikavdo akhariba ki rig e Rashtrakere Alosaribaskere Komisijakiri.

You may also like...

Sorry - Comments are closed