Informacija dzi ko Roma: ka ulavenpe stipendie basho mashkarsikle kola so isilen potikno proseko!!!

STIPENDII

Daja haberi dzi ko Romane mashkarsikle kaj shurakergja o proekti anavkerdo sar “I edukacija si poinportantno taro o proseko 5.00” kova so si kerdo basho sa o mashkarsikle tari sasti Makedonija, chivindor thaj e Romen, kola so ko nakhlo siklojbaskoro bersh agorkergje o bersh prosekoja potikno taro 3.9, ko koleskere so pervazija o mashkarsikle, chivindor thaj e Romen, taro 15to fevruari ka shaj te aplicirinen basho stipendie basho o programe phanle e umetnishtvoja, e dizajniribaja thaj e informatikaja.

– I resarin akale proekteskiri si te shaj te vazdelpe o morali thaj i korkoripakiv ko sukle kola so isilen potikno proseko, te shaj olengoro motiviriba te anel dzi ko dzajbe poodori olengere bajrovipaskoro ko kotora e umetnishtvoskere, dizajn thaj informatika thaj te vazdelpe i gnd basho o inportantnost sekole jekhe artikloske ki edukacija basho sekova siklo, bizi hemin taro olengoro proseko, sikavelape ko havlariba taro “Dzolev thaj o umetnishtvo”.

Basho akala sikle, chivindor thaj e Romen, o kreatorija akale proekteskere ka olaven lengje po 5 jali sakosa 10 sakosaskere stipendie basho nekola taro olengere programe phanle e umetnishtvoja, dizjan thaj informatika.

– Taro 14 dzi ko 18 bersha, o sikle si ko rodariba pali oblast kolate so pogechi ka shaj te specijalizirinen thaj te zojrakeren panda pobuter piri edukacija. Bizi hemin e prosekoskoro, sekova siklo isile pire kvalitetija, kola so zasluzinen te oven prependzarde, vakerena taro “Dzolev thaj o umetnost” ko piro havlariba.

Sekova mashkarsiklo, chivindor thaj e Romen, kova so isile proseko teleder o 3.9 ka shaj te aplicirinel basho jek taro o ponudime programe hemgechi dzi ko 15to fevruari prekal elektronsko prijava.

Ko 19to fevruari oficialno ka oven sikavde o 10 mashkarsikle kola so ka len sakosaskere stipendie.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha