Informacija dji ko Roma: ARAKHENTUMEN !!! Shurakergja i sezona e gripengiri

gripi

Daja informacija dji ko Roma a ko jek thaj akhariba te arakhenpe pobuter odoleske soske shurakergja i sezona e gripengiri thaj evirusengiri koja so astarela sa pobuter djenen. Akava sikavenale o palune epidemiologikane sikavina e Instituteskere basho sasuitnikano sastipa spremal koleste so ki phuv basho jek kurko taro gripi nasvalile 131 djene.

Akava numero e gripalije djenengoro, kote so preperena thaj o roma, kola so si registririme ko paluno kurko taro dekemvri a basho 20% taro o anglutno kurko, nakhavela e prosekoskere kurkeskiri frekvencija e neve nsvalengiri koja so legarela 120 chipote. Odoleske, daja haberi dji ko Roma, o epidemiolozija pulisarena kaj thaj oficialno khuvaja ki seznoa akale virusno nasvalipaskoro kova so si aktuelno basho evendaskere choa. E nevenasvalencar, ki akale bersheskiri sezona e gripeskiri nasvalile sakosa 1.083 djene.

Numa, akoda o numero e registririme chipotengoro nakhavela i simantra e sezonakere aktivitetengoro ko nasvalipa, o struchnakija hularena i panika thaj vakerena kaj i chipota e bajrovipaja e grupeskiri si dur tari epidemija. Akava sikavenale e fakteja so o akanaskoro kurko e numeroskoro taro o nasvale si basho 70% potikno taro o istono vakti o nakhlo bersh kana sine 449 nasvale taro gripija, jali 59.2% pohari taro o pendjaribaskoro numero taro o nasvale ko paluno kurko taro chon dekemvri.

Akanaske, daja haberi dji ko Roma, nane arakhlo basho kova anglederaniba e gripeskoro kerelape lafi, numa djanelape kaj ki phuv phirela o gripi A thaj B, kova so phirela sine thaj ko anglutne bersha. Odoleske arakhentumen taro but phiribe soske o gripija prelengarenape taro jek ko javer djeno.

Inaku, akanaske ki phuv si vakcinirime 26.231 djene thaj hardjime si si 86.8% taro o sakosaskoro numero taro vakcine kola so sine lende bashi akaja sezona.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha