Info. dzi ko Romane dzuvlja: Programa basho Neguvatelke basho phure dzene

OBUKI

Daja haberi dzi ko Romane dzuvlja kaj palo o obuke basho polokho arakhiba buti avena neve shajsariba basho o Romane dzuvlja taro Skopje. I Ideja koja so pravelala I B.O. HERA si 20 Romane dzuvlja taro Skopje te arakhenpe bazichno thaj profesionalno herbaplukoncar basho keriba gajla basho o phure thaj bizotakateksere dzene ko kherutne shartija. I obuka ka kerelala o amalipa Humanost prekal angaziriba struchno dzene, kola so isilen but bershengoro dzandipa thaj praktika ki akaja buti.

I programa ki peste isila teoretsko thaj praktikanso nastava. I sherutni resarin e programakiri si o Roma te arakhnepe dzandipnencar, herbaplukoncar thaj komponentencar basho dejbe o fundavno sastipaskere thaj socijalno usluge ko kherutne shartija e dzenengje kola so sebepi olengoro phuripa, hronichno nasvalipa thaj javera sebepija si ki chipota e naisijbaskoro takati thaj nashjasariba te keren korkori gajla peske.

I programa si kerdi ko 4 kotora jali modulija kola so kamlape te obezbedinen dzandipe thaj herbaplukija ko kandidati kova so ka dikhel akaja programa thaj palo olakoro agorkeriba ka ovel hazrikerdo te kerel o avutne bukja:

Te del arka ko ikeriba e domeskoro, te del arka e phure dzenen ko sekolediveskere olengere aktivitetija, te kulandinel o fundavno sastipaskere thaj ergonomikane nijamija thaj procedure.

O phejrariba akale programakoro kerelape prekal teoretsko thaj praktikansko kotor. O struchno teoretsko ikerina ka kerenpe ki uchilnica jali kabineti thaj ka oven ki funkcija e praktikansko bukakoro koja so palem, kerelape ko khera basho smestuiba jali diveskoro beshiba e phure dzenengoro.

O vakti akale programakoro koja so ka kerelpe si 400 arija kolendar so 140 arija si teorija, 240 arija perena ki praktikansko obuka thaj 20 arija si dende basho pulisariba. O vakti e keribaskoro e programakoro Neguvatelka basho phude dzene, si 4 chona. Palo o sukcesivno agorkeriba e programakoro o kandidati arakhelape sertifikateja basho keriba gajla basho phure dzene.

You may also like...

Sorry - Comments are closed