Info dzi ko Roma: I memalihavaja mudarela thaj po 1500 dizutnen ko bersh !!!

Daja haberi thaj alarmirinaja kaj o melalipa e havajakoro ko bersh e dzivdipastar kasarela taro 900 dzi ko 1500 dizutne, a trujal 80% olendar si taro Skopje, sikavena o sikavina taro Instituti basho sasuitnikano sastipa.

O Aerozagariba shaj te ovel sebepi taro jek kupa nasvalipna, jali, palem, te pobilachi kerel I chipa e veke nasvalengiri, a thaj te anel dzi ko meriba. Odova hembut phandelape e respiratorno nasvalipnencar jali okola ko lejbaskere sulukoskere droma, kardiovaskularno nasvalipna, sar thaj o karinomi ko parne bukhe.

– Taro sakosaskere sebepija basho meriba taro infarktija asarenape 22%, dzikote 25% taro gogjakere khujbna, a 4,6% taro karcinomi ko parne bukhe. Esapinkerelape kaj ki olengiri etiologija o aerozaadiba lela than 20 dzi ko 25%, vakerela o professor saslarutno Dragan Gorgev taro Instituti basho sasuitnikano sastipa.

Esapinkerelape, vakerela o profesori, kaj ki amende ko bersh sebepi o melalipa e havajakoro merena taro 900 dzi ko 1.500 dizutne, kolendar so 80% si ko Skopje. O Saslarutno Gjorgjev vakerela panda kaj arakhlovela ki akutno faza e aerozagadibaskiri enormno koncentraciencar thaj achovinencar e akutno thaj hronichno nasvalipnencar.

 

– O akutna si paluneste iskombinirime virusencar, mashkar odova ko akala shartija bajrarelape thaj o meriba ko hronichno nasvale e kardiovaskularno thaj maligno nasvalipnencar. Isiamen pikija e bajraribaskoro e meribaskoro ko vakti e uche aerozagadibaskoro thaj harne temperature.

Odova trendi ka dzal thaj poodori ako na shurakeraja sinhroniziribaskoro te khela amari khelin ko sa o trin sektorija, ki politika e mashkarune thaj lokalno niveloskiri thaj upral o legariba e dizutnengoro, dela konsili o Gjorgjev.

Ov, daja haberi dzi ko Roma, ko na but nakhlo vakti andingja kaj spremal o rodarina vakertuke nane bezbedno zona ko Skopje, tikne heminaja e pridizjangjere kupatnengoro, ko thavdipa e evendaskere sezonakoro thaj ako na lenape dejstvija sinhronizirimaleste ka ovel amen chipta sar ko nakhle 10 bersha jali trendi e bajrovipaskoro.

Kori amende na kegarelape dikhin basho odova kozom o melalpa e havajakoro khelela piri khelin ki momentalno chipota e nasvalipaskiri, dena haberi o saslarutne.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha