Info. dzi ko Roma: Bizoiranibaskere grantija taro 4.000 evroja basho korkoribukjardarnipa

agencija-630x289

Daja jek but inportantno informacija dzi ko sa o bibukjakoro Roma kaj, Taro 20to fevruari pa sa dzi ko avutne 10 divesa sa o bibukjarne dzene ka ovel len shajsarin te aplicirinen basho granti basho korkoribukjardarnipa thaj te praven peske piro biznisi ko uchipa taro 4000 evroja. E operativno planeja basho 2017 bersh e programaja basho korkoribukjardarnipa ka oven astarde 1.050 bibukjarne dzene kola so legarenape ki Agencija basho bukjardarnipa e R.Makedonijakiri sar bibukjarne kola so si aktivno dzene kola so rodena buti, ko 1000 nevepravde mikro kompanie. O napi, daja haberi e Romen, kerelape 11to bersh ko niche, a basho akava bersh bashi akava napi anglederdikhle si sakosa 283 milionija denarija.

I programa basho korkoribukardarnipa ki peste chivela obuke basho pretprijemnishtvo, dejbe arka ko bajrariba e ikeribaskere biznis planeskoro thaj registririba e bizniseskoro, biiranibaskere grantija kola so denape bashi oprema thaj materijalija thaj mentoririba basho vakti e shurakeribakoro e bizniseskoro. – Akaja programa isila bashi resarin te vazdel o pretprijemnishtvo thaj te del ikern ko keriba shurakeribaskere biznisija kola so ka obezbedinen ikeribaskere bukjarne thana, na salde basho o korkori dzene kola so ka praven o biznis, numa thaj basho o javera dzene kola so ka kbhuven ki buti ko akala shurakeribaskere ikerinakere biznisija. I programa dela ikerin thaj basho keriba jekajek nijameskiri distribucija e ekonomijakere subjektengoro ki phuv, vakergja ki pres konferencija o ministeri basho trud thaj socijalno politika Ibrahim Ibrahimi.

Ov panda potencirinela kaj akava si 11to ko niche bersh kote so kerelape akaja programa —thaj kaj olaja resarelape I resarin basho bajrariba e bukjardarnipaskoro, isijbaja ko dikhiba, sar so vakergja ov, kaj 70% taro o biznisija si sukcesivno te achoven ko pire ko kurko e zoreskoro thaj palo nekozomda bersha, sar thaj kaj ko kotor taro aktivno firme isi bajrariba e numeroskoro e bukjarne dzenengoro. Taro 2007 dzi ko 2016 bersh, vakerela o Ibrahimi, prekal I prgrama lelakerde si 8730 firme kote so ki buti si chivde 8969 dzene.

O sherutno e Agencijakoro basho bukjardarnipa e R.Makedonijakoro, Vlatko Popovski vakerela kaj akava bersh o grantija legarena 4 mile evroja, so, sar so dengja ko hango, si bajrariba basho milja evrija ako dikhlape o nakhle bersha. Koa kava piro, dzivakerela o Popovski, angjam dezicija upral funda e kerde analizengoro thaj konsultaciengoro e ekspertencar thaj e hazrukerutnencar e biznis planengoro.

Ov panda andinela kaj o zainteresirime kandidatija, chivindor thaj e Romen, ka shaj te aplicirinen basho obuke basho phejrariba puchlarina thaj palo odova ka phejrarenlen. Upral dunda odoleskiri ka len vaucherija thaj jek eksperti basho keriba e biznis planeskoro. Palo odova o biznis plani ka ovel pulisardo taro ekspertija thaj dzikote ovela pulisardo kaj si ikeribaskoro ka lel granti basho prajbe tikno biznis.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha