Info. dzi ki Komuna Shuto Orizari: O Makedonijakoro Unicef akharela e komunen te aplicirinen basho prajbe Centrija basho sig bajroviba e chavorengoro !!!

рома

Sebepi so amen sijam I jekhutni Romani televizija ko sasto sumnal thaj arakhlovaja ki jekhutni Romani komuna, daja haberi e jekhutne Romane komuna ko sasto sumnal, e Komuna Shuto Orizari, kaj, I Kancelarija e UNICEF-eskiri sikavela akhariba kote so akharela sa e komunen te den aplikacie basho prajbe Centri basho sib bajroviba e chavorengoro, zarurin koja so hem odova sar kamlape ki amari jekhutni komuna.

O komune kola so si zainteresirime te aplicirine bashi te len ikerin taro UNICEF basho prajbe Centro basho sig chavorikano bajrovipa kamlape te aplicirinen hemgexhi dzi ko 17to mart 2017 bersh.

O centrija basho sig chavorikano bajrovipa si thana kola so dena tikne forme e angleder siklanakere edukacijakoro thaj vospitiba e chavengje taro 3 dzi ko 6 bersha.

Ola si identifikuime sar prioriteti e rashtrakoro sa resarinaja te bajrarelpe o astariba e chavorengoro taro o hemchorole thaj o hemzapostavime jekhina, kote so preperela I Romani jekhin, ko angleder sikljovnakoro educiriba thaj vospitiba.

O centrija basho sig chavorikano bajrovipa sikavenape sar alternative e gradinkengere ko lokalno jekhina kote so nane chavorikane gradinke, angleder sa ko gaveskere thaj ko marginalizirime thana.

I hemin mashkar o gradinke thaj o Centroja basho sig chavorikano bajrovipa si ko odova so o Centrija basho sig chavorikano bajrovipa na obezbedinena usluge basho saste diveskoro keriba gajla, t.e. o chave kola so vizitkerena o Centrija na hana thaj na sovena ko centro, numa obezbedinena salde organizirime programe basho sig bajrovipa thaj educiriba po duj dzi ko trin arija ko dive.

O centrija basho sig chavorikano bajrovipa, sar thaj o gradinke, kerena buti spremal I nacionalno Programa basho sig educiriba thaj bajrovipa koja so si bazirimi ko Standardija basho javinakoro educiriba thaj bajrovipa.

Jekajek e Kanuneja bashi chavorikani arakhin, o Sasuitnikane centrija basho sig chavorikano bajrovipa ko komune kerenape tari rig e komunengere Konsilengiri, palo o anglutno khedimo gndipa taro o Ministeriumi basho trud thaj socijalno politika.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha