Incidenti upral Romano dzeno ko shtipeskoro Klinikakoro hospitali

INCIDENT

O Rom Adam Chandarov taro Berovo angleder duj divesa ko keriba vizita ko piro jerije ko shtipeskoro Klinikakoro hospitali ko Oddelenie basho ortopedija sine atakuimo tari rig jekhe fizioterapefteskoro, odoleske soske rodingja te del arka javere pacientkake, koja so na sine ko shajdipe te phirel.

O biradjakere Orgnizacie kola so sikavena e Romen ko Shtip avdive adalatkergje akaja chipota. Nishanikerena kaj akava nane avgo drom te shaj pacienti jali vizitkeri ko hospitali taro Romani avipa te ovel le asasvko tretmani taro personali.

O vaslegariba e shtipeskere Klinikakere hospitaleskoro zojrakergja o incidenti, numa spremal olende o vizitkeri Chavdarov ko 17 o ari kana nane muklo te kerelpe vizita e pacientgengje takateja khuvgja ko hospitali, a olengoro bukjarno sine hemanglal verbalno atakuimo tari rig e Romeskoro, palo so sine thaj mardo.

O incidenti si prijavimo ki dzandarmerija taro o solduj riga. O portparoli taro SVR Shtip, Fordana Panjotova zojrkaerela kaj I dzandarmerija iklili ko korkori than, ko thavdipa e rodarinakoro, koja so kamlape te zojrakerel koj kas atakuingja ki akaja chipota.

You may also like...

Sorry - Comments are closed