I Ungarijakiri ambasada ka del stipendie basho 5 terne Roma – Ake soske!!!

UNGARSKA AMBASADA

Sar esapi e lungobershengere mashkarbutikerinakoro e Ungarijakere Ambasadakoro e Komunaja Kochani thaj isijbaja ko dikhiba o fakti kaj o Kochani si i avgo diz koja so shurakergja te mashkarbutikerel e ungarijakere Sigensentmiklosheja, i Ambasada dendi ikerin tari i Radja e Ungarijakiri ka del stipendie basho 5 terne dzene tari Romani preperin basho te vizitkeren obuke ko kotor e naukakoro.

– ikerinaja tari Radza e Ukrainakiri amen ka shajsara basho 5 jali 6 terne dzene taro Kochani taro Romano nacionaliteti te educirinenpe ki Ungarija thaj ka stipendirinalen te shaj te vizitkeren obuke, vakergja o Jozef Bence, ambasadori e Ungarijakoro ki Makedonija.

I komuna Kochani kerela gajla basho o Roma te len than ko nichale nastave ko siklane thaj ko chavorikane gradinke, dela sripendie e Romane siklen ko mashkarune siklane thaj ko uche edukacijakere ustanove, agar so o stipendiriba e terne Romengoro ki Ungarija si shukaralo.

– Kergjam lafi e ambasadoreja Bence basho stipendiriba e terne Romengoro kola so ka oven ki obuka ko centrija e Ungarijakere thaj ake konechno ka kerelpe thaj odova plani, vakergja o Ratko Dimitrovski, dizjakorosherutno ki Komuna Kochani.

O ministeri ki Radza e R.Makedonijakiri thaj o nacionalno koordinatori e Romane Dekadakoro, o rajo Nezdet Mustafa akhargja ko dzajbepoodori e Romane Dekadakoro thaj vakergja kaj i Makedonija dela vas basho o romano dzijani thaj konkretno aktivitetencar halovela o integriribaskoro olengoro proceso.

– Odova si o drom koleste so o Roma pakjana kaj jek dive nane te ovel len nisavo bibukjardarnipa thaj chorolipa, odoleske ko jek jekhutno timi e Romencar akharaja sarine jekhutneste te dza poodori o drom e Romane Dekadakoro prekal koleste so ka sikava kaj resargjam inportantno shukar esapija isijbaja but bro adzikeriba kaj i Dekada ko avutne bersha ka legarel thaj pobare budzetija thaj ka kera but potakatlime bare pire ko halojbe olengere decenijakere problemengoro, vakergja o Nezdet Mustafa, Miniseri ki Radza e R.Makedonijakiri.

O dizjakorosherutno Dimitrovski dzivakerela kaj i jekhutni mashkarbutikerin ko kotor e socijalno programengoro basho o Roma thaj o poshukarkeriba e infrastrukturakoro ko Romane mahaale, barabar e ministereja Musta kaj dzan te kerenpe thaj poodori.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha