I Struga kerela zorija te legarelpe e Romane chavencar kola so mangjena devlengje !!!

ПИТАЧИ

O chave Roma kola so mangjena devlengje si o but dromeskoro tasfiri ko droma trujal I diz Struga, a ko nilaeskoro vakti baro kotor olendar organizirimeste legarenape ki Struga thaj Ohrid kote so mangjena devlengje basho vakti e turistikane sezonakoro. Olengoro numero sakana tranpuinelape, numa nekana doresela thaj dzi ko nekozom 100 vakerena taro strugakoro centro basho cosijalno bukja.

– Akala chave barabar pire jerijencar legarenape organizirimaleste ki Struga. Olengoro than si sekote, dali avena sekova dive taro javera dizja jali bizo te oven pirjavibe nakhavena akate piri rat thaj taisa palem ikljovena ko droma, sherutneste ola si sekova dive akate, vakerela o Bekim Bauta taro Centro basho trud thaj socijalno bukja ki Struga.

Ko droma sar so thaj vakergjam hembaro numero taro o chave si preperutne e Romane nacionaliteteskere ko baripe taro 7 dzi ko 14 bersha, hembut droma vena taro nafunkcioniribaskere jerilukija, kola so pe chaven zulumikulandinenalen basho sa o chanija, vakerena o struchna dzene.

– Basho rojbe o chavorikano zori si eksploatirimo, ko keriba legalno bukja sar so si bashaliba muzika, kosiba vrdona thaj agar naodori, numa thaj ko keriba nalegalno bukja sar so si mangipa, bikiniba droga, prostitucija thaj kriminali, vakergja I Katerina Taleska Skeparoska taro Centro basho jekhina e komunakoro Struga.

Sa resarinaja te tiknarelpe o mangipa devlengje e Romengoro kova so sikavela jek bilacho tasfiri ki turistikani sezona thaj te arakhelpe o zulumikulandiba e chavengoro, I komuna Struga kerela koordinativno badani kote so lena than sikavutne taro sa o nadlezna institucie chijbaja thaj e dzandarmetija, thaj pakjala kaj prekal akava timi ka shajsarel te legarelpe e dzenecar so mangjena devlengje.

Akava badani, sar so sine sikavdo thaj ki panel diskusija ikerdi o divesa, ka ovel le savala te kerel dikhlariba, chinaviba thaj cidiba taro droma e dzenen kola so ka oven arakhle ko keriba buti sar mangipa devlengje ko droma e komunakere Struga.

You may also like...

Sorry - Comments are closed