I Partija OPER ikergja piro polungo parijakoro sostanok ko Hoteli ,,Karposh,,

OPER

Irati i hembari Romani politikakiri partija OPER kolakoro so prezidenti si o Rajo Nezdet Mustafa, pire polungo nicheja taro prezidentstvo e partijakoro ikergja piro partijakoro sostanok ko thana e Hoteleskoro „Karposh“ ki diz Skopje.

Ko sostanok lele than o sikavutne taro polungo prezidentstvo e partijakorom, numa thaj javerada simpatizerija e partijakere kola so sekova dive bajrovela sa pobuter olengoro numero.

I sherutni resarin akale partijakere sostanokoskoro ikergjape ko sherutne trin nukte:

1.Te kerelpe o Republikakoro alosaribaskoro shtavi e Partijakoro OPER basho o angledervakteskere alosarina so ka ikerenpe ko april 2016 bersh;

2. Kergjape i Ternikani Organizacija e Partijakiri OPER;

3.Hazrkergjape i alosaribaskiri programa e partijakoro koja so ikljovela taro o anketno listo e partijakoro kerdo upral sa o Roma tari R.Makedonija.

Ko akala rin nukte ko shukar chane alosargjepe sa o dzene kola so kamlape te legaren e sotrine upre andime nuktencar, a paluneste sikavgjape pobaro paziba ko alosariba e dzenengoro taro sekova partijakoro ogranok trujal i R.Makedonija, kola so veke shurakergje aktivno te phejraren o ankteno puchiba basho o Roma. Ola phirena taro kher ko kher thaj prekal o anketno puchiba avena dzi ko dzevapi basho odova so si hemzarureskoro basho te rodarelpe e Romengje ko avutne angledervakteskere alosarina.

Odova so si hemzarureskoro te andinelpe si kaj i partija OPER ko sa pire ogranokija trujal o dizja e themakere, taro dive ko dive ovela sa pobari sebepi so isi but Romane interesantija thaj simpatizerija so sekova dive bajrarena o numero e dzenengoro e politikakere partijakoro OPER, kolakoro so prezidenti si o Rajo Nezdet Mustafa.

Ko sostanok isto agar, sine andimo kaj koj mangjela shaj komotno te lel than ko dzejnipa e partijakoro, odoleske soske, sar so vakergja o prezidenti, o Udara akale Romane partijakiri koja so marelape bashi chachikani integracija e Romengiri ki sasti Makedonija si sakana lungo pravde basho sekova jek Rom.

Pire inpresije taro bukjarno khediba e partijakoro sikavgjalen thaj o prezidenti ko OPER, o Rajo Nezdet Mustafa.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha