I Mehanizacija ki Italija-Germagnano peravela o Romane khera, I EU na reagirinela ni kana peravenape khamne Romane dzuvljengere khera

ITALIJA

O na but nakhle vakteskoro perajbe e Romane kupatnengoro lungo ki Italija kote so si mukle nekozom 10 Romane jerilukija ko dertija thaj problemija, chivela thaj jek kupa dzuvljen kola so si ko pogechi khamnipaskoro vakti thaj chaven poterne taro salde nekozom chona. Odova peraviba e khedengoro angja dzi ko odova te mukel bizo krovi upral o shero bute Romen, vakerena basho ERRC thaj Amnesti International o rodarina kola so si kerde ko teren.

I organizacija ko na but nakhlo vakti vizitkergja e kupatnen thaj kergja lafi e jerilukoncar kola so ko palune nekozom chona si unishtime olengjere khera thaj ko takati si paldime.

Mashkar lende isi thaj khamni Romani dzuvli koja so si ko 7to chon taro piro khamnipa koja o achili bizo krovi upral o sheri kana olakoro kher sine phago e mehanizacijaja ki naformalno kupatni GERMAGNANO ko Torino. I mehanizacija isto agar shurakergja te peravel thaj javer Romano kher ko vakti dzikana ki oleste sovela sine andre 9 bershengoro chavo. Okola so dikhle I chipta vakergja kaj I chaj sine dendi arka kana olakiri daj akhargja I mehanizacija te achvel e phagibaja e khereskoro.

– But taro o Roma tari kupatni GERMAGNANO darana te muken pire khera korkori, pa chak hem kana dzana ko saslarutno, ki chipota te shaj mate achovel bizo pire khera ko dakiko kana ka iranenpe taro saslarutno jali bilo taro savo javer than. I dar kaj ka hasaren pire khera si sakana ko olengoro kolin.

You may also like...

Sorry - Comments are closed