I komuna Shtip ko mashkarbutikeriba e Ministereja Nezdet Mustafa dela lovengiri donacija basho o 13 opozarime Romane familije

POZAR STIP

O dizjakorosherutno ki diz Shtip, o Ilcho Zahariev ko mashkarbutikeriba e Ministereja ki Radja e R.Makedonijakiri thaj o Nacionalno koordinatori e Romane Dekadakoro, o Rajo Nezdet Mustafa, avdive ulavgja phanlelafija bashi lovengiri donacija basho 13 Romane jerilukija kola so achile vizo pire jekvateskere thana e dzivdipaskere, sar so i jag targja olengere jekvateskere khera e dzivdipaskere ko purano nervno oddelenie ko Shtip. Ola ka len po 3000 denarija chonengiri arka basho te ucharen pire hardina bashi truja, pani thaj kirija.

– Pali i jag 13 Romane familije achile bizo nisavi arka, a o Konsili angja decizija i komuna te ucharel o hardzina basho thanae dzivdipaskere odole dzenengere kote so ka anen decizija te dzivdinen. Avdive ola lena o halovina, numa musaj te vakerav kaj odova si jekvateskoro halojbe, a amen rodaja sakanaskiri solucija basho olengere problemija. Gndinava kaj ko sig vakti ka lenpe konkretno bukjarne pire, basho te kerelpe jek tipsko kupatni, khera jali stanija ka dikha, thaj akate mangaja te chiva na salde akale 13 Romane familijen, numa thaj sarinen okolen kola so sapanda dzivdinena ko purano nervno oddelenie thaj okola kola so dzivdinena trujal o bulevari Partizanska odoleske soske odothe mangaja te agorkera i sakosaskiri rekonstrukcija e bulevareskiri. Amen shaj te kerale odova, bashi mangje sa o dizutne si ista thaj legaraja niche bashi olengje. Inportantno si kaj ola kamlae te oven lojalna, o chave te dzan ki sikana, a o jerije te arakhken buti ko Shtip, vakergaj o doziajkorosherutno Zahariev.

Basho sakanaskoro halojbe e kherengere problemengoro e Romengjere, obezbedimo si budjeti taro 1 milioni evroja, strestvija kola so si dene tari komuna thaj tari Dekada e Romengiri, prekal ko Ministeri Nezdet Mustafa.

– Baro ov sasto te bishala dzi ko dizjakorosherutno thaj dzi ko Konsili, kola so iklile ko anglederdikhiba amengje, ov marelape amengje, ake akana isialen jekvakteskoro halojbe a poodori isi ko nijeti te keren amengje thaj khera jali stanija. Neka oven saste bashi akaja olengiri andi decizija te shaj te den amen arka, vakergje kotor taro o Roma kola so lele o halojbe bashi finansisko arka tari lokalno korkorilegarin.

Akava znachinela kaj akava 2016 bersh, i komuna ka ulavel 39000 denarija ko chon, t.e. ko bersh po 468.000 denarija, dende arka tari Dekada e Romengiri. Inaku, ki inizijativa e dizjakeresherutneskiri thaj e Ministereskiri Mustafa, akala 13 jerilukija te len thaj po jek rigakiri lovengiri arka tari rig e Radzakiri ko uchipa taro 30 mile denarija basho sekova jek jeriluko.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha