I Khoranipaskiri Radja fokuseja te halovel o problemija e Romengjere !!!

romi geto

I legaribaskiri partija AK e Radjakiri ko Khoranipa ka ovel fokuseja ko keriba reforme kola so ka sigjrkern o procesi olakere avipaskoro dji ki EU. O reforme hemanglal ka shurakeren te kerenpe upral o legariba e rodarinencar so rodenalen o kurdija ko khoranipa, prelejbe inportantno pire basho o Alevije e khoranipaskere sar thaj halojbe e problemengoro kolencar so arakhenape o Roma ko khoranipa.

Thaj djikote o hazrkerina sapanda kerenape bashi i programa e neve radjakiri, koja so adjikerelape te ovel sikavdi ko 26to noemvri, o avina tari partija AK sikavena ko odova kaj ka kerenpe bare reforme ko nekozom kotora kola so ka oven o hembaro prioriteti e neve radjakoro

I nevi radja ki piri programa adjikerelape te ovel la thaj nekozom reforme basho o Roma e Khoranipaskere. Ki anglutni radja e partijakiri AK, o premieri Dautoglu Ahmet andingja e rajo Metin Ozcheri sar khoranipaskoro rashtralo djeno Romane avipaja, sar djeno kova so ka ovel chivdo te shaj te kerel buti e Romane jekhinaja ko Khoranipa. Upral odova, ko palune nekozom divesa kerelape buti pobuter ko refrome upral o Roma agar so o avgo TV signali e Khoranipaskoro shurakergja te del programa Romane tematikaja sa resarinaja te chinavenpe o bilache chivde gndina upral o Roma.

Trujal akala avga pire, i nevi radja planirinela te anel Generalno direktorati ko pervazija e Ministeriumeskoro basho jerilukija thaj socijalno politika ki te shaj te legarelpe e problemencar so isilen o Roma. I Romani preperin ka ovel la direktno kancelarija ko odova Genralno direktorati kova so ka del haberi basho olengere problemija. Planirinelape te kerelpe thaj paluni institucija koja so ka ovel telal ko prezidenstvo e Khoranipaskoro ko stranstvo thaj srodno jekhina koja so ka ovel kerdi te shaj te obezbedinel poshukar shartija bashi i Romani populacija.

You may also like...

Sorry - Comments are closed

Send as Kolumns





Full Name (required)

Your Email (required)

Category (required)

Upload File (required: .txt, .doc, .docx)

Captcha (required)
captcha