I Francija priznainela o lejbe than e rashtrakiri ko paldiba e Romengoro

РОМИ

O prezidenti e Francijakoro, Fransoa Oland, ko jek piro lafikerin ko Montreul Belaj Meine et Loir, kova so ko jek si o hembaro logoro e paldibaskoro e Romengoro ki Francija ko jek thaj hembaro logori ko istono vakti thaj bashi integracija e Romengiri ki Francija, priznaingja o dzevapluko e Francijakoro ki akaja tragedija, t.e. o lejbe than e rashtrakoro ko paldiba e Romengoro.

Koa kava priznaiba o Roma adzikerena veke pobuter taro 30 bersha.

Ki ceremonija e nishanikeribaskoro e nacionalno memorijalno ceremonijakoro koja so sine ikerdi bash ki lokacija akale konc logoreskoro taro vakti e Dujto sumnaleskere maribaskoro, o prezidenti Fransoa Oland angja ko than o suno e Romengoro kova so dikhenape 30 bersha, a odova sit e priznainel kaj I rashtra isila bari piri khelin basho lejbe than e Romengoro ko odola konc logorija.

Odothe nishanikergjape o 70 bersha taro mukiba ko tahati odole logoreskoro thaj o nishanikeriba mukakjere divesa so dikhle muka ki olende o Romano dzijani.

O sherutno e rashtrakoro ki odoja ceremonija andingja: – Alo o dive kana musaj sine te vakerelpe o chachipa. I Francija priznainela piro dzevapluko, andinela o Fansoa Oland.

Akava nishanikergjape basho avgo drom te shaj jek prezidenti te priznainel o dzevapluko pire rashtrakoro ko paldiba e Romengoro, palo o lungo rodarina basho te oven priznaime o asavke sikavina.

You may also like...

Sorry - Comments are closed