I B.O. Sumnal tari Topaana nishanikerena o 8to April – Sumnaleskoro dive e Romengoro

SUMNAL

Akava bersh, I Biradjakiri Organizacija “Sumnal” tari Topaana, o Mashkardzijaneskoro dive e Romengoro nishanikergele e naformalno keribaja dikhina e rajoja Sinisha Pekevski, konsultantni ko kotor e pretprijemnishtovskoro thaj I rajoni Biljana Radonjanin, pretprijemachi, osnivachi e avgo elektronikane dukjanakoro ki Makedonija. Olengiri dikhin ko jek nishanikergja thaj o shuru e kampanjakoro basho socijalno lejbe than e terne bibukjarne Romengoro.

I chipota ikergjape avdive shurakeribaja taro 11 o ari ko luteraturno kave “Metanoja” ko Skopje.

– I Kampanja dzala thaj poodori e socijalno lejbaja than e terne bibukjarne Romengoro, prekal bajrariba e dzandipnengoro basho bukjardarnipa, treningo thaj dejbe ikerin basho poshukar kulandiba e programengoro thaj e strestvongoro basho bukjardarnipa koleja so bi anglederanelape dzi ko ekonomijakere thaj socijalno bajrovipna e ternengere ko Skopje thaj Bitola sar komune inportantno Romane dizutnencar ki peste, vakergja I Fatma Bajram Azemovska, prezidenti ko Sumnal.

O amalipa basho bajrovipa e Romane jekhinakoro – Sumnal, aktivno kerela buti taro 2004 bersh thaj ko nakhle 13 bersha kergja jek kupa proektija sa resarinaja socijalno, kulturakiri thaj ekonomijakiri integracija e Romengiri ki Makedonija.

You may also like...

Sorry - Comments are closed